سری نگر06 اکتوبر , ماحول کو صاف ستھرا رکھنا ہم سب کی ذمہ داری ہے لوگوں کو چاہئے کہ صفائی کا خاض خیال رکھیں اور گلی کوچوں اور سڑکوں پر گندگی ڈالنے سے پرہیز کریں ان خیالات کا اظہار میونسپل کونسل پلوامہ کے نئے پریزیڈنٹ شبیر احمد وانی نے کیا۔ تفصیلات کے مطابق میونسپل کونسل پلوامہ کے نئے پریزیڈنٹ شبیر احمد نے عہدہ سنبھالتے ہی عوام سے صفائی مہم میں انتظامیہ اور میونسپل کمیٹی کا ساتھ دینے اور پلوامہ ٹاو¿ن کو صاف ستھرا رکھنے کیلئے اپنا کردار ادا کرنے کی اپیل کی۔ انہوں نے کہا کہ ماحول کو صاف ستھرا رکھنا سب کی ذمہ داری ہے۔ اپنے ایک پیغام میں میونسپل کونسل پلوامہ کے پریزیڈنٹ شبیر احمد وانی نے پلوامہ کی عوام سے اپیل کی ہے۔ کہ وہ گلی کوچوں، ندی، نالوں اور سڑکوں پر کوڑا کرکٹ ڈالنے سے گریز کریں۔ انہوں کہا کہ صفائی کی مہم میں عوام میونسپل کمیٹی کا پورا ساتھ دیں تاکہ ایک اچھے اور صاف ستھرا ماحول کو یقینی بنایا جاسکے۔
