سید اعجاز
ترال// ترال میں نیشنل کانفرنس اور کانگریس اتحاد کے امیدوار سُرندر سنگھ چنی نے سنیچر کے روز دعویٰ کیا ہے کہ جموںو کشمیر اگلی سرکار این سی اور کانگریس بنائے گی ۔ انہوں نے اپنی انتخابی مہم کے تحت ترال کے گلشن پورہ،نانر،میڈورہ اور راجپورہ کے علاوہ کھر پورہ نامی گاﺅں کا دورہ کر کے یہاں لوگوں کو آنے والے انتخاب میں این سی کانگریس اتحاد کے امیدوار کو کامیاب بنانے کی اپیل کی ہے ۔انہوں نے لوگوں کو بنایاکہ جموںو کشمیر کو پھر سے ریاست بنانے کے لئے ہمیں ووٹ دیکر کامیاب بنائیں تاکہ ہم سے چھینی گئی پوزیشن کو بحال کر سکیں ۔ ” انہوں کہا کہ میں پر امید ہوں کہ جموںو کشمیر میں آنے والی سرکار این سی نیشنل کانفرنس کی ہوگی اور آنے والا کل پورے جموںو کشمیر کے لئے بہتر ہوگا۔انہوں نے عوام سے انہیں ووٹ دیگر کامیاب بانے کی اپیل کی ہے انہوں نے کہا طاقت لوگ ہیںاور اسی طاقت کی وجہ سے ایک امیدوار کیبنٹ تک پہنچ جاتا ہے ۔
