سرینگر:۳۱،ستمبر: : جموں وکشمیرمیں 90رُکنی قانون سازاسمبلی کیلئے18ستمبر سے یکم اکتوبر2024تک تین مراحل میں منعقدہونے والے انتخابات کی مہم میں تیزی آتی جارہی ہے ۔جموں خطے کی43میں سے35نشستوںپرکامیابی کے مشن کولیکر بھاجپا نے اپنی مہم کو عروج تک پہنچادیا ہے ،کیونکہ گزشتہ ہفتے مرکزی وزیرداخلہ امت شاہ اور وزیردفاع راجناتھ سنگھ کے دورہ جموں کے بعد اب وزیراعظم مودی آج یعنی 14ستمبربروزہفتہ کو ڈوڈہ میں انتخابی ریلی سے خطاب کریں گے۔اُدھر کانگریس نے یکم اکتوبر کو ہونے والے الیکشن کے تیسرے مرحلے کی مہم کو عرج بخشنے کیلئے 20مہم جو لیڈران کو نامزد کیاہے،جن میں کانگریس صدر ملکا ارجن کھرگے ،کانگریس سربراہ سونیا گاندھی ،لوک سبھا میں اپوزیشن لیڈر راہول گاندھی اور پرینکا گاندھی بھی شامل ہیں ۔جے کے این ایس کوملی تفصیلات کے مطابق وزیر اعظم نریندر مودی آجیعنی 14ستمبربروز ہفتہ کو ایک انتخابی ریلی کے لئے جموں و کشمیر کا دورہ کریں گے، جو کہ اسمبلی انتخابات کے اعلان کے بعد مرکز کے زیر انتظام علاقے میں ان کا پہلا انتخابی مہم ہے۔ وزیر اعظم مودی ڈوڈہ ضلع میں بی جے پی کی ایک انتخابی ریلی سے خطاب کرنے والے ہیں جہاں وادی چناب کے3 اضلاع کی8 اسمبلی سیٹوں کےلئے پہلے مرحلے میں18 ستمبر کو ووٹنگ ہونے والی ہے۔2014 کے اسمبلی انتخابات کے دوران وزیر اعظم مودی نے کشتواڑ ضلع میں بی جے پی کی انتخابی ریلی سے خطاب کیا۔ پارٹی ذرائع نے بتایا کہ ڈوڈہ کے لوگ تب سے یہ مطالبہ کر رہے تھے کہ وہ وزیر اعظم مودی کو دیکھنا اور سننا چاہتے ہیں۔پارٹی ذرائع نے بتایا کہ 14ستمبر کی انتخابی ریلی کے مقام کے طور پر ڈوڈا کا انتخاب خود وزیر اعظم نے کیا تھا۔ ذرائع نے بتایا کہ وقت کی دستیابی پر منحصر ہے، وزیر اعظم ہفتہ کو جموں ڈویڑن میں ایک اور انتخابی ریلی سے بھی خطاب کر سکتے ہیں۔پونچھ اور راجوری اضلاع کے کچھ حصوں میں بھی جموں و کشمیر میں 3 مرحلوں والے اسمبلی انتخابات کے پہلے مرحلے میں ووٹ ڈالے جا رہے ہیں۔بی جے پی کے ذرائع نے کہا کہ وزیر اعظم کے دورے سے یقینی طور پر پارٹی امیدواروں کے انتخابی امکانات کو فروغ ملے گا۔وادی چناب کے پورے خطے میں پہلے ہی ہائی الرٹ جاری کر دیا گیا ہے جس میں سیکورٹی فورسز اور پولیس نے وی وی آئی پی اور ان کو سننے کے لیے آنے والے لوگوں کی بڑی تعداد کو محفوظ بنانے کے لیے اپنی ہر جگہ موجودگی کو برقرار رکھا ہوا ہے۔بی جے پی پہلے ہی کہہ چکی ہے کہ اس کے اسٹار پرچارک وزیر اعظم اسمبلی انتخابات کے ہر مرحلے میں انتخابی مہم کے لیے جموں و کشمیر کا دورہ کریں گے۔ وزیر اعظم مودی بھی19 ستمبر کو وادی کا دورہ کریں گے جب وہ سری نگر شہر میں بی جے پی کی ایک اور انتخابی ریلی سے خطاب کریں گے۔اُدھر کانگریس نے یکم اکتوبر کو ہونے والے الیکشن کے تیسرے مرحلے کی مہم کو عرج بخشنے کیلئے 20مہم جو لیڈران کو نامزد کیاہے،جن میں کانگریس صدر ملکا ارجن کھرگے ،کانگریس سربراہ سونیا گاندھی ،لوک سبھا میں اپوزیشن لیڈر راہول گاندھی اور پرینکا گاندھی بھی شامل ہیں ۔کانگریس کے جنرل سیکرٹری کے سی وینو گوپال نے 12ستمبر کو الیکشن کمیشن کے سیکرٹری کوایک خطہ کے ذریعہ مطلع کیاکہ پارٹی کے اسٹا رالیکشن مہم جو لیڈران جموں وکشمیرمیں اسمبلی انتخابات کے تیسرے مرحلے کیلئے انتخابی مہم میں شرکت کریں گے ۔کانگریس جنرل سیکرٹری نے الیکشن کمیشن کو جن 20لیڈران کی فہرست بھیجی ہے ،اُن میں کانگریس صدر ملکا ارجن کھرگے ،کانگریس سربراہ سونیا گاندھی ،لوک سبھا میں اپوزیشن لیڈر راہول گاندھی اور پرینکا گاندھی کے علاوہ پارٹی کے دیگرکئی مرکزی لیڈران اور جموں وکشمیر کانگریس کے موجودہ صدر طارق حمید قرہ اورسابق صدر جی اے میرکانام بھی شامل ہے۔
