جموں کے کٹھوعہ میں مسلح تصادم آرائی دوسرے بھی جاری :اے ڈی جی پی آنند جین

سرینگر//جموں و کشمیر کے کٹھوعہ ضلع کے ایک دور افتادہ گاو¿ں میں اتوار کو جاری آپریشن میں ایک دہشت گرد مارا گیا۔جبکہ علاقے میں تلاشی آپریشن جاری ہے اے ڈی جی پی جموں نے میڈیا کو بتایا کہ آپریشن شروع کرنے سے پہلے ملنے والی اطلاع کے مطابق یہاں5غیر ملکی ملی ٹینٹ موجود تھے جن میں سے ایک کو ہلاک کیاگیا ہے جبکہ4کے ممکنہ طور پر محاصرے میں ہونے کا امکان ہے انہوں نے بتایا کہ علاقے میں آپریشن جاری ہے ۔ انہوں نے بتایا اس ملی ٹینٹ کی ہلاکت کے ساتھ ہی یہاں ہلاکتوں کی تعداد دو ہو گئی ۔گزشتہ شام انکونٹر شروع ہونے کے بعد ایک پولیس اہلکار جاں بحق ہوا تھا ۔کشمیر نیوز سروس ( کے این ایس)کے مطابق حکام نے بتایا کہ ایک دہشت گرد کی لاش اتوار کو سہ پہر تحصیل بلاور کے کوگ منڈلی میں انکاو¿نٹر کے مقام سے برآمد ہوئی ہے۔گاو¿ں میں دوسرے دن بھی بڑے پیمانے پر تلاشی مہم جاری ہے۔جموں زون کے ایڈیشنل ڈائریکٹر جنرل آف پولیس آنند جین نے بتایا کہ تین سے چار غیر ملکی دہشت گردوں کی موجودگی کی اطلاع کے بعد ہفتہ کو گاو¿ں میں تلاشی مہم شروع کی گئی۔ہفتہ کی شام کو ایک پولیس اہلکار ہلاک اور دو اہلکار زخمی ہوئے جب دہشت گردوں نے گاو¿ں میں مشترکہ سیکورٹی سرچ پارٹی پر فائرنگ کی۔تصادم کے مقام کے قریب نامہ نگاروں سے بات کرتے ہوئے، جین نے کہا کہ علاقے میں دہشت گردوں کی موجودگی کے بارے میں اطلاع ملی تھی اور اس کے بعد ایک آپریشن شروع کیا گیا، جس کے نتیجے میں فائرنگ کا تبادلہ ہوا۔انکاو¿نٹر میں ہیڈ کانسٹیبل بشیر احمد نے اپنی جان دے دی اور دو افسران ، ایک ڈی ایس پی اور ایک اسسٹنٹ سب انسپکٹر – زخمی ہوئے، انہوں نے کہا کہ دونوں افسران کی حالت مستحکم ہے۔انہوں نے کہا کہ پورا علاقہ سخت حفاظتی حصار میں ہے اور علاقے میں چھپے تین سے چار غیر ملکی دہشت گردوں کو بے اثر کرنے کے لیے آپریشن جاری ہے۔انہوں نے کہا کہ ایک گھر میں دہشت گردوں کی موجودگی کی اطلاع ملی جس کے بعد آپریشن شروع کیا گیا جو جاری ہے۔یکم اکتوبر کو ہونے والے انتخابات کے تیسرے مرحلے سے قبل دہشت گرد گروہ کی روک تھام کے بارے میں پوچھے جانے پر، پولیس افسر نے کہا کہ دہشت گردوں کے خلاف کارروائیاں جاری ہیں اور جاری رہیں گی۔انہوں نے کہا کہ ہم دہشت گردوں کے بارے میں مسلسل معلومات حاصل کر رہے ہیں اور اس کے بعد انہیں جلد از جلد بے اثر کرنے کی کوشش کے ساتھ آپریشن کر رہے ہیں۔انہوں نے کہا کہ تمام پولنگ والے علاقوں میں سیکورٹی کے خاطر خواہ انتظامات کئے گئے ہیں تاکہ یہ یقینی بنایا جا سکے کہ دہشت گردی سے متعلق کوئی واقعہ نہ ہو اور تیسرے مرحلے پر تشدد نہ ہو۔کٹھوعہ کے علاوہ تیسرے مرحلے میں جموں خطے کے جموں، ادھم پور اور سامبا اضلاع اور شمالی کشمیر کے بارہمولہ، کپواڑہ اور بانڈی پورہ اضلاع شامل ہیں۔