نائب وزیرا علیٰ نے جموں میںجاری سمارٹ سٹی کاموں کا معائینہ کیا

جموں /23جنوری2025ئنائب وزیراعلیٰ سریندر کمارچودھری نے آج ریذیڈنسی روڈ جموں میں جاری سمارٹ سٹی کاموں کا معائینہ کیا۔
نائب وزیر اعلیٰ کے ہمراہ میونسپل کمشنر جموں میونسپل کارپوریشن دیونش یادو اور دیگر سینئر افسران بھی تھے۔
اُنہوںنے جاری کاموں کا معائینہ کرتے ہوئے منصوبے کی کوالٹی مانیٹرنگ اور تیز رفتاری سے عمل آوری کی ہدایت دی۔ اُنہوں نے کہا کہ جموں شہر کی خوبصورتی کے لئے کئے گئے کام کو جلد از جلد مکمل کیا جانا چاہیے تاکہ عوام اِن ترقیاتی اَقدامات سے مستفید ہوسکیں۔سریندر کمار چودھری نے کہا ،” کام کرنے والی ایجنسیوں کو پہلے ہی منظور شدہ منصوبوں کے مطابق کام کرنے کی ہدایات دی گئی ہیں اور کام کے معیار پر کوئی سمجھوتہ نہیں کیا جائے گا۔ کسی بھی اِنحراف اور کم معیار کے کاموں کی صورت میں سخت کاررِوائی عمل میں لائی جائے گی۔“اُنہوں نے مقامی ضروریات اور اُمنگوں کے مطابق ترقیاتی کا م شروع کرنے پر زوردیتے ہوئے کہا کہ ترقیاتی منصوبے علاقے کے لوگوں کے مطالبات اور سہولیت کے مطابق بنائے جائیں۔