جموں/19جولائی2025ئ لیفٹیننٹ گورنر منوج سِنہانے آج جموں میں سنت کمار شرما کی تحریر کردہ مونوگراف ”انڈس واٹر ٹریٹی ۔ میررنگ دی فیکٹس“ کا اِجرا¿ کیا۔لیفٹیننٹ گورنر نے اَپنے خطاب میں مصنف کو ان کے شاندار کام پر مُبارک باد دی جو’انڈس واٹر ٹریٹی‘ کے مختلف تاریخی پہلوو¿ں کو اُجاگر کرتا ہے۔اُنہوںنے کہا کہ یہ مونوگراف پاکستان کے ساتھ ’ سندھ آبی معاہدے‘ پر ایک جامع تجزیہ فراہم کرتی ہے اور پاکستان کی پشت پناہی میں ہوئے پہلگام دہشت گرد حملے کے بعد معاہدے کے خاتمے پر وزیراعظم نریندر مودی جی کے فیصلہ کن اقدام کو صحیح تناظر میں پیش کرتی ہے۔لیفٹیننٹ گورنر نے کہا،”ہندوستان نے واضح کیا ہے کہ خون اور پانی ایک ساتھ نہیں بہہ سکتے، دہشت گردی اور بات چیت ایک ساتھ نہیں چل سکتے اور نہ ہی دہشت گردی اور تجارت ایک ساتھ ہو سکتی ہے۔“ اُنہوں نے کہا کہ انڈس واٹر ٹریٹی کو ختم کرنا پاکستان کے لئے مناسب جواب ہے اور اس کے دور رس اثرات مرتب ہوں گے کیونکہ پاکستان کا انحصار دریائے سندھ کے نظام پر ہے۔
