سید اعجاز
آری پل//ممبر اسمبلی ترال رفیق احمد نائیک نے سنیچر کے روز ترال کے دور افتادہ علاقوں جن میں گلستان، حاجن سمیت متعدد بستیوں کا دورہ کر کے یہاں لوگوں کے ساتھ ملاقات کی۔ملاقات کے دوران لوگوں نے مختلف نوعیت کے مسائل انکی نوٹس میں لائے۔اس موقعے پر ممبر اسمبلی نے لوگوں کو یقینی دلایا کہ حلقہ انتخاب کے ہر ایک علاقے اور بستی کو تعمیر و ترقی کے لئے فنڈ کا اپنا حصہ برابر ملے گا تاکہ یہاں یکسان تعمیر و ترقی کو یقینی بنایا جا سکے۔انہوں نے موقعے پر ہی مختلف کام کے لئے سی ڈی ایف بھی واگزار کیا ہے۔دورے کے دوران موصوف نے گورنمنٹ ہائی سکول گلستان کا ن کا بھی دورہ کیا۔
دورے کے دوران انہوں نے بچوں اور سکول عملے کے ساتھ ملاقات کی۔ملاقات کے دوران رفیق احمد نائیک نے علاقے میں کام کر رہے اساتذہ کے کام کاج پر اطمنان کا اظہار کرتے ہوئے انہیں اپنے فرائض کو تن دہی سے انجام دینے کی تاکید کی ہے تاکہ اس دور افتادہ علاقے کے بچے بھی تعلیم کے میدان میں آگے نکل سکیں۔ایم ایل اے نے یہاں بچوں سے خطاب کرتے ہوئے کہا ہے کہ تعلیم غریت اور پسماندگی کو دور کرنے کاواحد ذریعہ ہے اس لئے علاقے کے تمام بچے بہتر سے بہتر اور اعلی تعلیم حاصل کرنے کی کوشش کریں۔انہوں نے بعد میں سکول میں زیر تعلیم بچوں کے لئے اپنے جیب سے10 ہزار روپے فراہم کئے ہیں تاکہ زیر تعلیم بچوں کو کسی معمولی چیز کے لئے پریشان نہ ہونا پڑے۔انہوں نے بہتر تعلیمی نظام کے لئے ہرطرح کی مدد فراہم کرنے کا یقین بچوں اور عملے کو یقین دلایا۔
