سید اعجاز
ترال//جنوبی کشمیر کے سب ضلع ترال کے اکثر علاقوں میں گزشتہ کئی روز سے وقفے وقفے سے شدید بارشیں ہو رہی ہے۔اس دوران تیز بارشوں کے نتیجے میں جہاں علاقے کے ندی نالوں کے سطح آب میں اضافہ ہوا ہے ۔اس دوران ڈار گنائی گنڈ کے لوگوں نے بتایا کہ نالہ” لام“پر آج تک پل تعمیر نہیں کیا گیا ہے جس کی وجہ سے بارشوں کے دوران ڈار گنائی گنڈ،ینگونی سمیت دیگر بستیوں کے لوگوں کا رابط منقطع ہو جاتا ہے اور اس طرح سے انہیں پریشانیوں کا سامنا کرنا پڑ رہا ہے ۔انہوں نے بتایا ہم نے حال ہی میں چندہ جمع کر کے لکڑی کا ایک عارضی پل تعمیر کیا تھا تاہم تازہ بارشوں کے پانی نے ا سکو بھی نقصان پہنچایا ہے ۔انہوں نے بتایا آج پھر ایک بار بستی کے مویشی نالہ پار نہیں کر سکے ۔ علاقے کے لوگوں نے سرکار خاص کر ممبر اسمبلی ترال سے اس بارے میں مداخلت کی اپیل کی ہے تاکہ انہیں مزید مشکلات کا سامنا نہ کرنا پڑے ۔یہاں یہ بات قابل ذکرہے کہ علاقے میں کئی اہم رابط پل تعمیر ہو رہے ہیں مقامی لوگوں کا مطالبہ ہے کہ اس پل کو بھی وعدے کے مطابق فوری طور تعمیر کیاجائے ۔ادھر مین قصبہ ترال کی سڑکیں اوربس اسٹینڈ بارشوں کے ساتھ ہی زیر آب آنے سے راہ گیروں کو عبور و مرور میںپریشانیوں کا سامنا کرنا پڑتا ہے جبکہ بارشوں کا پانی جمع ہونے سے تاجروں کو بھی مشکلات کا سامنا کرنا پڑ رہا ہے ۔ مقامی لوگوں نے بتایا ترال بازار میں نکاس آب کا کوئی انتظام نہ ہو نے کی وجہ سے ترال بالا سے لیکر مین بس اسٹینڈ تک جگہ جگہ بارشوں کا پانی جمع ہوتا ہے ۔ مقامی لوگوں نے بتایاحال ہی میں ترال کو جاذب نظر بنانے کی غرض سے ایک پروجیکٹ کا سنگ بناد رکھاگیا ہے تاہم تاحال اس پر کام شروع نہیں کیا گیا ہے جس کی وجہ سے عوام پریشانیوں کا سامنا کرنا پڑ رہا ہے ۔
