سری نگر/22جولائی 2026ئلیفٹیننٹ گورنر منوج سِنہا نے آج رضاکارانہ میڈیکیئر سوسائٹی کا دورہ کیاجو گزشتہ پانچ دہائیوں سے زائد عرصے سے جموں، کشمیر اور لداخ میں خصوصی صلاحیتوں کے حامل اَفراد (پی ڈبلیو ڈِی یس) کی صحت، تعلیم، روزگار اور سماجی شمولیت کے شعبوں میں انتھک خدمات انجام دے رہی ہے۔دورے کے دوران لیفٹیننٹ گورنر نے تنظیم کے عہدیداروں اور پیرا ایتھلیٹس سے کے ساتھ جموںوکشمیر اور لداخ میں دیویانگ جن کے لئے مکمل بااِختیار بنانے ، بحالی اور کھیلوں کی ترقی کے حوالے سے اہم بات چیت کی۔صدر و بانی وِی ایم ایس ڈاکٹر میر محمد مقبول اور نائب صدر پروفیسر مسعودہ یاسین سمیت تنظیم کے عہدیداروں نے لیفٹیننٹ گورنر پر زور دیا کہ موافق کھیلوں کے فروغ کے لئے ایک مضبوط اور منظم نظام قائم کیا جائے۔ اِس موقعہ پر فزیوتھراپی کے لئے روبوٹک آلات، صحت اور ہنر مندی کے مراکز، ضلعی سطح سے بین الاقوامی مقابلوں تک صلاحیتوں کو فروغ دینے کے لئے جموں و کشمیر پیرا سپورٹس ایسوسی ایشن کے قیام، سال بھر تربیت اور بحالی کی سہولیت فراہم کرنے کے لئے اِنڈور پیرا سپورٹس ہال کی تعمیر، خصوصی سپورٹس وہیل چیئرز، جدید کھیلوں کا سامان، کوچنگ کیمپس، ایکسپوژر پروگراموں اور سفری معاونت سمیت مختلف تجاویز پر غور وخوض کیا گیا۔
