سری نگر، 23 دسمبر: ضلع اننت ناگ کے عیش مقام علاقے میں جمعہ کی صبح ذہنی طور پر معذور شخص کے حملے کے بعد زخمی ہونے والے افراد میں سے ایک نے دم توڑ دیا، جس کے بعد اس واقعے میں مرنے والوں کی تعداد تین ہو گئی۔سب ڈسٹرکٹ مجسٹریٹ (ایس ڈی ایم) پہلگام نے بتایا کہ ایک ذہنی معذور شخص نے والدہ سمیت 3 افراد کو قتل کر دیا ہے، جس نے آج صبح عیش مقام پہلگام کے علاقے میں ہنگامہ آرائی کی۔ذہنی طور پر معذور شخص جاوید حسن راتھر نے آج صبح عیش مقام کے علاقے میں اپنے والدین سمیت متعدد افراد پر حملہ کیا۔ان کا کہنا تھا کہ اس واقعے میں مزید چھ افراد زخمی ہوئے ہیں۔ذہنی معذور شخص نے پہلے اپنے گھر والوں پر حملہ کیا جس میں اس کے والدین زخمی ہوئے اور بعد میں باہر آکر باہر کئی لوگوں پر حملہ کردیا۔مرنے والوں کی شناخت غلام نبی خادم، ان کی والدہ حفیظہ بیگم اور محمد امین شاہ کے نام سے ہوئی ہے جو تمام عیش مقام کے رہائشی ہیں۔علاوہ ازیں زخمیوں کو علاج کے لیے اسپتال منتقل کر دیا گیا ہے۔ایس ڈی ایم نے کے این او کو مزید بتایا کہ ملزم کو حراست میں لے لیا گیا ہے، انہوں نے مزید کہا کہ وہ ذاتی طور پر صورتحال کی نگرانی کر رہے ہیں۔
