کپوارہ:۳۲،دسمبر: جموں وکشمیر پولیس نے شمالی کشمیر میں منشیات اسمگلنگ کے ایک منظم وفعال نیٹ ورک کا پردہ فاش کرتے ہوئے 4،ایس پی اوﺅز، ایک پولیس کانسٹیبل، ایک سیاسی کارکن، ایک ٹھیکیدار اور ایک دکاندار سمیت 17 افراد کوگرفتار کرلیا۔جے کے این ایس کے مطابق ایک بیان میں پولیس نے بتایاکہ سرحدی ضلع کپوارہ میں ضلع میں منشیات کی اسمگلنگ اور اسکی پھیری کرنے والوں کےخلاف اپنی نوعیت کی سب سے بڑی کامیابی میں، پولیس نے ضلع کپواڑہ اور بارہمولہ کے مختلف علاقوں سے 17 افراد کو گرفتار کیا ہے، جن میں5 پولیس اہلکاربشمول 4ایس پی اوﺅز ، ایک سیاسی کارکن، ایک ٹھیکیدار اور ایک دکاندار شامل ہیں۔پولیس نے کہاکہ منشیات فروشوں کے اس نیٹ ورک کے تار سرحدپار سے جڑے ہوئے ہیں ،کیونکہ وہیں سے اُنھیں مختلف قسم کی منشیات سپلائی کی جاتی رہی ہیں ۔بیان کے مطابق ضلع کپواڑہ میں سرگرم منشیات فروشوں کی نشاندہی کرنے اور ان کے لاف کارروائی کرنے کےلئے انتھک کام کرتے ہوئے، پولیس نے کپواڑہ قصبہ اور اس سے ملحقہ علاقوں میں سرگرم کچھ منشیات فروشوں پر قابو پالیا۔ ایک خفیہ اطلاع پر پولٹری شاپ کے مالک محمد وسیم نجار ولد غلام محمد نجار ساکن درزی پورہ کپواڑہ کو اس کے رہائشی مکان سے کچھ مقدار میں منشیات کے ساتھ گرفتار کیا گیا۔بیان میں مزید کہا گیا کہ ابتدائی تحقیقات کے بعد، وسیم نجار نے منشیات فروشوں کے ایک بڑے گروہ کا حصہ ہونے کا اعتراف کیا اور کپوارہ ضلع کے ساتھ ساتھ ضلع بارہمولہ کے اوڑی علاقے سے تعلق رکھنے والے اس کے کچھ ساتھیوں کے ناموں کا بھی انکشاف کیا جو اس غیر قانونی تجارت میں ملوث تھے۔پولیس نے کہاکہ اس کے بعد کپوارہ اوربارہمولہ اضلاع میں مختلف مقامات پر چھاپے مارے گئے اور مزید16 افراد کو گرفتار کیا گیا۔منشیات فروشی کے نیٹ ورک میں شامل گرفتار کئے گئے ملزمان میں ہارون رشید بٹ (ایس پی او) ولد عبدالرشید بٹ ساکنہ ہلمت پورہ کپوارہ، ارشاد احمد خان (ایس پی او) ولد عنایت اللہ خان ساکن بٹ پورہ ہائیامہ کپوارہ،سیاسی کارکن اشفاق حبیب خان ولد حبیب اللہ خان گونی پورہ ہائیامہ کپوارہ، طاہر احمد ملک ولدعبدالاحد ملک ساکن ریگی پورہ کپوارہ، خورشید احمد خان( خشک میوہ جات کا دکاندار) اور اس کا بیٹا امتیاز خان ساکنہ ہلمت پورہ کپوارہ، تمحید احمد خان ولد شاکر علی خان (اصل کا تعلق کیرن سے ہے اور اب پاکستان/پاکستانی زیر کنٹرول کشمیر میں مقیم عسکریت پسندوں کا ہینڈلر) ساکنہ کیرن کپوارہ، رومن مشتاق بٹ ولد مشتاق احمد بٹ ساکنہ ا±وڑی بارہمولہ، آصف رشید حجام ولد عبدالرشید حجام ساکن باترگام کپواڑہ، سجاد احمد بٹ (ایس پی او) ولد غلام محمد بٹ ساکنہ گونی پورہ ہائیہامہ کپوارہ ، پولیس کانسٹیبل عبدالمجیدبٹ ولد ولی محمد بٹ ساکنہ کنن پوشپورہ ترہگام کپوارہ، زاہد مقبول ڈار (ایس پی او) ولد محمد مقبول ڈار ساکنہ کنن پوشپورہ ترہگام کپوارہ، عابد علی بٹ ولد حاجی علی محمد بٹ ساکنہ بوہی پورہ کپوا رہ، تنویر احمد وانی ولد محمد اسحاق وانی ساکنہ گلگام کپواڑہ، ندیم جاوید ولد جاوید اقبال نائیک ساکنہ اوڑی بارہمولہ اور طاہر احمد خان ولد امیر زمان خان ساکنہ بونیار بارہمولہ شامل ہیں۔ پولیس نے کہاکہ منشیات فروشوں کیخلاف یہ کامیاب کارروائی ایس ایچ اﺅ محمد رفیق لون پولیس اسٹیشن کپواڑہ کی سربراہی اور ڈی ایس پی (پروبیشن) خادم حسین نے ڈی ایس پی ہیڈکوارٹر کپوارہ راشد یونس کی نگرانی میں عمل میں لائی۔بیان میں کہا گیاکہ منشیات کی اسمگلنگ اور پیڈلنگ ماڈیول کا پردہ فاش کرنے کے دوران ایک بار پھر پاکستان میں مقیم ہینڈلرز کے کشمیری نوجوانوں کو تباہ کرنے کے مقصد سے وادی کشمیر میں منشیات کی ترسیل میں براہ راست ملوث ہونے کا انکشاف ہوا ہے۔ اس خاص معاملے میں، ایک پاکستانی ہینڈلر شاکر علی خان، جو اصل میں کیران سے تعلق رکھتا ہے، حدمتارکہ کے اُس طرف اپنے بیٹے تہمید خان کو منشیات کی کھیپ سپلائی کرتاتھا۔ تہمید خان کے اعترافی بیان اور انکشاف پر اس کے گھر سے 2کلوگرام ہیروئن جیسے منشیات کے2پیکٹ بھی برآمد ہوئے ہیں۔ملزم تحمیدخان اسے کپواڑہ لے جایا کرتا تھا تاکہ اسے اپنے دیگر (گرفتار) ساتھیوں میں فروخت کر کے بھاری رقم کمائی جا سکے۔پولیس کے مطابق تہمید کے والد شاکر علی خان نےملی ٹنٹوں کی صفوں میں شامل ہونے کےلئے سب سے پہلے 1990 کی دہائی کے اوائل میں ایل او سی کو عبور کیا۔ غیر قانونی اسلحہ اور گولہ بارود کی تربیت حاصل کرنے کے بعد، شاکرخان نے واپس اسپار آیا اور کیران کپوارہ سیکٹر میں کافی عرصے تک حزب المجاہدین کے سرکردہ سرگرم ملی ٹنٹوں میں سے ایک رہا۔ سیکورٹی فورسز کی کارروائی کو محسوس کرتے ہوئے، شاکرخان نے دوبارہ ایل او سی کو عبور کیا اور سرحدپارکی طرف فرار ہو گیا اور اب وہ ایک سرکردہ ملی ٹنٹ ہے جو وادی کشمیر میں ہتھیاروں، گولہ بارود اور منشیات کو دھکیلنے میں بھی ملوث ہے۔بیان کے مطابق منشیات اسمگلنگ اوراسکا غیرقانونی دھندہ کرنے والوں کیخلاف پولیس اسٹیشن کپواڑہ کی ایف آئی آر نمبر 283/2022 کی تحقیقات ڈی ایس پی (پروبیشن) خادم حسین کی سربراہی میں ایک خصوصی تحقیقاتی ٹیم (ایس آئی ٹی) کر رہی ہے۔ تحقیقات کے دوران یہ بات سامنے آئی ہے کہ تقریباً 5 کلو گرام کی مقدارمیں منشیات، جس کی قیمت5 کروڑ روپے ہے،گزشتہ 3 ماہ کے دوران اس ماڈیول کے سرغنہ تہمید خان نے پاکستان سے مارکیٹ میں سمگل کیا۔ ان 5 کلوگرام منشیات میں سے، فوری طور پر تقریباً 2 کلوگرام برآمد کیا گیا ہے، تقریباً 1.0 کلوگرام منشیات،اسکا دھندہ کرنے والوں اور عادی افراد کے درمیان تقسیم کیا گیا ہے اور تقریباً 2 کلوگرام کا سراغ لگانا باقی ہے۔یہاں یہ بات قابل ذکر ہے کہ رواں سال کے دوران کپوارہ ضلع میں منشیات فروشی میں ملوث 161 افراد کے خلاف85 مقدمات درج کئے گئے ہیں۔ منشیات کی سمگلنگ میں ملوث33 افراد کو پی ایس اے (PIT-NDPS) ایکٹ کے تحت حراست میں لے کر مختلف جیلوں میں بند کیا گیا ہے۔
