سری نگر:۳۲، دسمبر: کرائم برانچ کشمیرکی اقتصادی جرائم کی روکتھام سے متعلق ونگ نے ایک ملزم کےخلاف ایک ساتھ2سرکاری محکموں سے تنخواہ لینے اور سرکاری خزانے کو نقصان پہنچانے کے الزام میں چالان عدالت میں پیش کیا۔جے کے این ایس کے مطابق ایک بیان کے مطابق،پولیس سٹیشن کرائم برانچ کشمیرمیں ایف آئی آر نمبر43/2022زیرسیکشن 420آرپی سی کے تحت کیس میں کنگن کے فیاض احمد بٹ کے خلاف پیسنجر ٹیکس سری نگر کی عدالت میں درج کیا گیا ۔بیان میں کہا گیا ہے کہ فوری طور پر مقدمہ ایک شکایت پر درج کیا گیا تھا، جس میں یہ الزام لگایا گیا تھا کہ فیاض احمد بٹ1997 سے محکمہ تعلیم میںCPW کے طور پر کام کر رہے ہیں اور نومبر2005 سے وہSKIMS کے مکینیکل ڈیپارٹمنٹ میں کیجول لیبر کے طور پر بھی کام کر رہاہے،اور وہ بیک وقت2 محکموں سے تنخواہ لے رہا ہے، جس سے سرکاری خزانے کو نقصان ہو رہا ہے۔ اس کے بعد اس معاملے کی انکوائری کا حکم دیا گیا جو کہ مقدمہ ایف آئی آر نمبر 43/2022 کے اندراج پر منتج ہوا اور تحقیقات کا آغاز کیا گیا۔بیان میں مزیدکہاگیاہے کہ تفتیش کے دوران، یہ ثابت ہوا کہ ملزم نے اپنے لئے مالی فائدہ اور غلط فائدہ حاصل کیا ہے جس کا وہ حقدار نہیں تھا، اس طرح اُس نے سیکشن420آرپی سی کی وضاحت کے مطابق جرم کا ارتکاب کیا۔بیان کے مطابق ملزم نے دھوکہ دہی سے2محکموں سے بیک وقت تنخواہ حاصل کرکے مجرمانہ نیت سے اپنے آپ کو ناجائز فائدہ پہنچایا اور سرکاری خزانے کو غلط نقصان پہنچایا۔ کرائم برانچ کشمیرکے بیان میں مزید کہا گیا کہ مذکورہ کیس کا چالان عدالتی فیصلہ کے لئےعدالت میں پیش کیا گیا۔