بڈگام:۳۲، دسمبر: بڈگام پولیس نے جرائم میں ملوث 2ملزمان کو گرفتار کرکے چوری کا معاملہ 5روزمیں حل کیا اور ان کے انکشاف پر مال مسروقہ برآمد کیا ،جس میں جے سی بی مشین بھی شامل ہے۔ ایک بیان میں پولیس نے بتایاکہ 18دسمبر2022کو پولیس اسٹیشن چاڈورہ کو اطلاع ملی کہ مین بازار چاڈورہ کے نزد یک آر اینڈ بی آفس (دھوبی کمپلیکس)میں3 دکانوں کو نامعلوم چوروں نے ایک جے سی بی مشین کا استعمال کرتے ہوئے توڑ پھوڑ کر کے الیکٹرانک اشیاء، موبائل فون کا سامان وغیرہ چوری کر لیا۔ اس اطلاع پر، قانون کی متعلقہ دفعہ کے تحت مقدمہ ایف آئی آر نمبر 203/2022پولیس اسٹیشن چاڈورہ میں درج کیا گیا اور تفتیش شروع کردی گئی۔تفتیش کے دوران پولیس اسٹیشن چاڈورہ کی پولیس ٹیم نے سخت کوششیں کرتے ہوئے شوپیاں سے2 مشتبہ افراد کو پوچھ گچھ کے لئے لایا گیا۔ پوچھ گچھ کے دوران انہوں نے ملوث ہونے کا اعتراف کیا۔ ملزمان کو گرفتار کر کے ان کے انکشاف پرموبائل فون3نمبر،ریڈمی پاور بینک،3اسمارٹ واچ ،3ریل می،ایک ٹارچ کے علاوہ گرفتار افراد سے ایک چوری شدہ ایک جی سی بی مشین بھی برآمد کی گئی۔گرفتار ملزمان کی شناخت معراج احمد شیخ ولد گلزار احمد شیخ،اخلاص بٹ ولد بشیر احمد بٹ ساکنان دشنو، ہیر پورہ ضلع شوپیان۔ دریں اثنا، مسلسل پوچھ گچھ کے دوران یہ بات سامنے آئی کہ جرم کے ارتکاب کےلئے استعمال ہونے والی جے سی بی مشین بشارت احمد یتو ولد حاجی نور محمد یتو ساکن چاڈورہ کی ہے جسے ملزمان نے17اور18دسمبر2022کی درمیانی شب چوری کر لیا۔ اس کے علاوہ تفتیش کے دوران یہ بات بھی سامنے آئی کہ اخلاق بٹ نامی ایک ملزم جے سی بی مشین کے مالک کے ساتھ کام کر رہا تھا اور اس نے جے سی بی مشین کی ایک اضافی چابی چھپا رکھی تھی۔ معاملے کی تفتیش جاری ہے
