سری نگر:30، دسمبر: جموں و کشمیر کے پونچھ ضلع میں لائن آف کنٹرول (ایل او سی) کے ساتھ مشتبہ نقل و حرکت کو محسوس کرنے کے ایک دن بعد، فوج نے جمعہ کو آگے کے علاقے میں تلاشی مہم شروع کی۔کشمیر نیوز سروس( کے این ایس) کے مطابق حکام نے بتایا کہ کھاری کرمارہ علاقے میں ایل او سی کی حفاظت پر مامور حفاطتی دستوں نے جمعرات کی شام سات بجے کے قریب دو سے تین مشتبہ دراندازوں کی نقل و حرکت کودیکھنے کے بعد فائرنگ کی۔حکام نے بتایا کہ فوجیوں نے علاقے پر کڑی نظر رکھنے کے لیے درجنوں روشن بم بھی فائر کیے تاکہ سرحد پار سے دہشت گردوں کی نقل و حرکت نہ ہو۔حکام نے بتایا کہ زمین پر مشتبہ نقل و حرکت کے کسی بھی نشان کو تلاش کرنے کے لیے دن کی پہلی روشنی کے ساتھ ہی ایک بڑے پیمانے پر تلاشی مہم شروع کی گئی۔سرچ آپریشن جاری ہے اور مزید تفصیلات کا انتظار ہے۔