سری نگر :۱۱،فروری :مرکزی وزیر خزانہ نرملا سیتا رمن نے ہفتہ کو کہا کہ نئے ٹیکس نظام سے متوسط طبقے کو فائدہ پہنچے گا کیونکہ اس سے ان کے ہاتھ میں زیادہ پیسہ جائے گا۔جے کے این ایس مانٹرینگ کے مطابق ریزرﺅ بینک آف انڈیا(آر بی آئی )کے سنٹرل بورڈ کی600ویں میٹنگ آر بی آئی کے گورنر شکتی کانت داس کی موجودگی میں بجٹ کے بعد کے روایتی خطاب کے بعد صحافیوں سے بات کرتے ہوئے مرکزی وزیر خزانہ نرملا سیتا رمن نے کہاکہ یہ ضروری نہیں ہے کہ لوگوں کو سرکاری اسکیموں کے ذریعے سرمایہ کاری پر آمادہ کیا جائے بلکہ اسے سرمایہ کاری کے بارے میں ذاتی فیصلہ کرنے کا موقع دیا جائے۔انہوںنے کہاکہ ترمیم شدہ رعایتی ٹیکس نظام کے تحت، جو اگلے مالی سال2023-24 سے لاگو ہوگا،3 لاکھ روپے تک کی آمدنی پر کوئی ٹیکس نہیں لگایا جائے گا۔3سے6 لاکھ کے درمیان کی آمدنی پر5فیصد ٹیکس لگے گاجبکہ6سے9لاکھ کے درمیانی آمدنی پر10فیصد،9سے12 لاکھ پر15فیصد،12سے15 لاکھ پر20فیصد اور 15لاکھ یا اس سے زیادہ کی آمدنی پر30فیصدکا ٹیکس لگے گا۔وزیر خزانہ نے کہاکہ تاہم7لاکھ تک کی سالانہ آمدنی پر کوئی ٹیکس نہیں لگایا جائے گا۔اڈانی گروپ کے بحران پر ایک سوال کا جواب دیتے ہوئے، وزیر خزانہ نرملا سیتارمن نے کہاکہ ہندوستانی ریگولیٹرز بہت، بہت تجربہ کار ہیں اور وہ اپنے ڈومین میں ماہر ہیں۔انہوںنے کہاکہ ریگولیٹرز اس معاملے پر قابو پا چکے ہیں اور وہ ہمیشہ کی طرح اب نہیں بلکہ اپنی انگلیوں پر ہیں۔مرکزی وزیر خزانہ نرملا سیتا رمن نے سائپٹو اثاثوں کو ریگولیٹ کرنے پر، وہ ہندوستان ایک مشترکہ فریم ورک ڈیزائن کرنے کے لیے G20 ممالک کے ساتھ بات چیت کر رہی ہے۔قیمتوں میں اضافے سے متعلق ایک سوال کا جواب دیتے ہوئے، آر بی آئی کے گورنر شکتی کانت داس نے کہا کہ2023-24 میں خوردہ افراط زر تقریباً5.3 فیصد رہنے کی توقع ہے اور اگر خام تیل کی قیمتیں نرم رہیں تو خوردہ افراط زرمزید گر سکتی ہے۔ گورنر شکتی کانت ر داس نے کہا کہ آر بی آئی نے اگلے مالی سال کے لیے افراط زر کے تخمینہ کے لیے خام تیل کی فی بیرل شرح 95ڈالرفرض کی ہے۔قرضوں کی قیمتوں کے بارے میں، شکتی کانت داس نے کہا کہ بازار کا مقابلہ قرض دینے اور جمع کرنے والے فریقوں پر شرحوں کا فیصلہ کرے گا کیونکہ یہ ایک غیر منظم طبقہ رہا ہے۔
