سری نگر:۵۱، فروری:ضلع ترقیاتی کمشنر ڈوڈہ وشیش پال مہاجن نے ڈسٹرکٹ کیپیکس اور ایریا ڈیولپمنٹ پلان میں ناقص کارکردگی کے سبب 7 بلاک ڈیولپمنٹ افسران (BDOs) کی تنخواہ روک دی ہے جس کا ان کے ذریعہ کل جائزہ لیا گیا۔جے کے این ایس کے مطابق محکمہ دیہی ترقی ڈوڈہ کے ذریعہ جسمانی اور مالیاتی کامیابیوں کا کی پیشرفت کا جائزہ ایک اجلاس میں لیاگیا۔ڈپٹی کمشنرڈودہ کی زیرصدارت اجلاس میں خراب کارکردگی کے پیش نظر، 7 بلاک ڈیولپمنٹ افسران کی تنخواہیں اگلے احکامات تک فوری طور پر روک دی گئیں اوراس حوالے سے ضلع ترقیاتی کمشنر ڈودہ شیش پال مہاجن کی طرف سے ایک حکم یاآرڈر جاری کیاگیاہے ۔جن بلاک ڈیولپمنٹ افسران کی تنخواہیں روک دی گئی ہیں، ان میں بی ڈی اﺅ بھدرواہ، بی ڈی اﺅ بھلا، بی ڈی اﺅ چھانگا، بی ڈی اﺅ جکیاس، بی ڈی اﺅ کھیلانی، بی ڈی اﺅ مرمت اور بی ڈی اﺅ ٹھٹھری شامل ہیں۔جن 7 بلاک ڈیولپمنٹ افسران (BDOs) کی تنخواہ روکی گئی ہے، ان سے کہا گیا ہے کہ وہ اپنی کارکردگی کو بہتر بنائیں تاکہ قواعد کے مطابق مزید کارروائی سے بچ سکیں۔
