سری نگر:۹۱، اپریل: جموں صوبہ کے پہاڑی ضلع کشتواڑ کے چھاتروعلاقے کے ایک مضافاتی گاو¿ں میں بدھ کو ایک پراسرار دھماکے میں ایک شخص کی موت واقعہ ہو گئی جبکہ دوسرا زخمی ہو گیا۔جے کے این ایس کے مطابق سرکاری ذرائع نے بتایا کہ ضلع کشتواڑ کے چھاترو گاو¿ں چتروعلاقے کے سمبل گاﺅں میں بدھ کو ایک پراسرار دھماکہ ہوا۔انہوں نے کہا کہ ابتدائی اطلاعات کے مطابق دھماکہ سمبل گاو¿ں میں محمد عباس نائیک نامی شہر کے گھر میں ہوا۔ سرکاری ذرائع نے بتایا کہ2 بھائی قریبی جنگلاتی علاقے میں کچھ جڑی بوٹیاں جمع کرنے گئے تھے جہاں اُنہیں ایک زنگ آلود چھڑی جیسی چیز ملی۔انہوں نے مزید کہا کہ وہ وہی چیز اپنے پاس لے آئے اور اس کے ساتھ چھیڑنے کی کوشش کی، تو چیز پھٹ گئی، جس کے نتیجے میں ایک شخص موقع پر ہی ہلاک اور دوسرا زخمی ہو گیا۔پولیس ذرائع نے بتایا کہ یہ چیز اس وقت پھٹ گئی جب دونوں بھائیوں نے اسے باورچی خانے میں گرم کیا تھا۔زخمی شخص کشتواڑ کے ایک اسپتال میں زیر علاج ہے۔پولیس نے کہاکہ اس سلسلے میں کیس درج کرکے دھماکے کی نوعیت اور حقائق جاننے کے لیے تحقیقات شروع کر دی گئی ہے۔
