اودھم پور:4،مئی : سری نگر جموں قومی شاہراہ پر دومیل کے نزدیک ایک ٹرک کے گہری کھائی میں جاگرنے کے نتیجے میں75بھیڑ بکریاں ہلاک ہوگئیں،تاہم ٹرک ڈرائیور معجزاتی طور پر بچ گیا۔جے کے این ایس کو ملی تفصیلات کے مطابق مویشیوں سے لدا ایک ٹرک اودھم پور ضلع کے دومیل کے قریب ڈرائیورکے قابو سے باہرہوکر ایک گھاٹی میں جا گرا جس کے نتیجے میں تمام75 بکریاں اور بھیڑیں ہلاک ہو گئیں۔ذرائع نے بتایاکہ منوال سے سے سری نگر کی طرف آنے والا بھیڑبکریوں سے لدایک ٹرک ،جس کوسنسار سنگھ چلایا رہاتھا روون دومیل اودھم پور کے نزدیک ڈرائیورکے قابو سے باہرہوکر ایک گھاٹی سے نیچے جا گرا، جس کے نتیجے میں تمام مویشیوں کی موقع پر ہی موت ہو گئی۔بتایا جاتاہے کہ ٹرک کوپھسلتے پاکر ڈرائیور باہر کود پڑا،اوروہ معجزاتی طور پر بچ گیا۔ادھم پور کے ایڈیشنل ایس پی انوار الحق نے بھی اس واقعہ کی تصدیق کی ،اورکہا اس سلسلے میں مزیدتحقیقات شروع کردی گئی ہے۔
