سرینگر//ہندوستان کا ذائقہ چکھنے والا معروف مہم جو راکی سنگھ اپنی مہم جوئی کے نئے سیزن میں ڈیجیٹل سیریز ’’روڈ ٹرپ ان ود راکی‘‘ میں شمالی ہندوستان کے لذیذ پکوانوں کی تاریخ پیش کریں گے۔ناظرین ان کے دہلی سے سرینگر تک کے سفر میں شامل ہوسکتے ہیں جہاں وہ مقامی معروف جگہوں پر 18مئی تک ٹی وی18کے سوشل میڈیا اکائونٹ پر ذائقہ دار پکوانوں کی رونمائی کریں گے۔
اپنے آبائی شہر دہلی سے شروع کرتے ہوئے جہاں وہ تین دن تک اپنے ہنر کا مظاہرہ کریں گے راکی جموں جاتے ہوئے ہریانہ اور جالندھر میں موسم گرما کی گرمی کا توڑ کرنے کیلئے رکیں گے۔جموں سے وہ بانہال تک کا سفر کریں گے جہاں وہ پیڑا موڑ پر راجما ش دال سے لطف اندوز ہونگے اورپہلگام میں وازاوان کا مزہ لیں گے۔ان کا سفر جنت کشمیر میں سرینگر میں ختم ہوگا جہاں وہ دو روز تک قیام کے دوران ٹھنڈ ی ہوائوں سے لطف لیں گے۔جہلم کنارے معروف ہوٹل احدوز سے لیکر خیام چوک تک کے کھانے کی اشیاء کے دکانوں پر جائیں گے۔راکی سنگھ واپس جانے سے قبل اس دلکش شہر میں اپنے تجربات کا احاطہ کریں گے۔
