سری نگر:۲۱،اگست :جے کے این ایس : ممکنہ طور پر امسال ماہ اکتوبر میں ہونے والے بلدیاتی یعنی میونسپل انتخابات کی تیاریوں کے سلسلے میں چیف الیکٹورل آفیسر جموں وکشمیرنے میونسپل انتخابی فہرستوں سے متعلق دعوے اور اور اعتراضات جمع کرانے کی آخری تاریخ میں 18،اگست2023تک توسیع کردی ہے جبکہ پہلے دعوے اوراعتراضات دائر کرنے کی آخری تاریخ11،اگست2023مقرر کی گئی تھی ۔جے کے این ایس کے مطابق جموں وکشمیرکے چیف الیکٹورل آفیسر پی کے پولے (آئی اے ایس )نے 11،اگست 2023کو ایک پبلک نوٹس یاعوامی اطلاع جاری کی ہے ،جس میں یہ کہاگیاہے کہ میونسپل انتخابات کے پیش نظر میونسپل انتخابی فہرستوں سے متعلق دعوے اور اور اعتراضات جمع کرانے کیلئے نظرثانی شدہ شیڈول جاری کیاگیا ہے ۔انہوںنے جموں وکشمیر میونسپل کارپوریشن ایکٹ مجریہ2000کے سیکشن 9(1)کے تحت حاصل اختیارات کا حوالہ دیتے ہوئے جاری پبلک نوٹس میں کہاہے کہ مختلف حلقوںکی جانب سے رجوع کئے جانے کے بعدمیونسپل انتخابی فہرستوں سے متعلق دعوے اور اور اعتراضات جمع کرانے کیلئے نظرثانی شدہ شیڈول جاری کیاگیا ہے۔انہوںنے اس سلسلے میں کہاکہ میونسپل انتخابی فہرستوں کی نظرثانی آخری مرتبہ سال2020میں ہوئی ہے ،اور تب سے متعددنوجوانوں نے ووٹر بننے کی عمر پائی ہے ،اورایسے نئے ووٹروں کو انتخابی فہرستوںمیں رجسٹر کرانے کیلئے اس میں ایک ہفتے کی توسیع کی گئی ہے ،تاکہ یہ نوجوان بھی انتخابی فہرستوںمیں اپنے نام درج کرواسکیں ۔چیف الیکٹورل آفیسرنے میونسپل انتخابی فہرستوں سے متعلق دعوے اور اور اعتراضات جمع کرانے کیلئے نظرثانی شدہ شیڈول کے بارے میں بتایاہے کہ میونسپل انتخابی فہرستوں سے متعلق دعوے اور اور اعتراضات جمع کرانے کی آخری تاریخ میں 18،اگست2023تک توسیع کردی ہے،اور یہ عمل یکم اگست2023سے شروع کیاگیا ہے۔اس سلسلے میں13،اگست2023کو تمام پولنگ اسٹیشنوںمیں خصوصی کیمپ لگائے جائیں گے ،جہاںخواہشمند شہری یعنی ووٹر اپنے دعوے اوراتراضات پیش کرسکتے ہیں ۔22،اگست2023کو دائر کردہ دعووں اور اعتراضات کاازالہ کیاجائے گا۔26،اگست2023کو انتخابی فہرستوںکی اَپ گریڈیشن ‘ کاکام مکمل کیاجائے گا،اور پھر29،اگست2023کوانتخابی فہرستوں کی حتمی اشاعت عمل میں لائی جائے گی ۔
