سری نگر// جموں وکشمیر کے شمالی ضلع بانڈی پورہ میں مشتبہ جنگجوؤں نے پولیس پارٹی پر فائرنگ کی جس کے نتیجے میں 2 پولیس اہلکاروں کی موقع پر ہی موت واقع ہوئی ہے۔پولیس ذرائع نے بتایا کہ ’جمعے کے روز ضلع بانڈی پورہ کے گلشن چوک میں ملی ٹینٹوں نے پولیس پارٹی پر اچانک فائرنگ شروع کی جس کے نتیجے میں دو اہلکار خون میں لت پت ہوئے‘۔انہوں نے کہا کہ زخمیوں کو علاج ومعالجہ کی خاطر فوری طورپرنزدیکی اسپتال منتقل کیا گیا تاہم وہاں پر موجود ڈاکٹروں نے دونوں کو مردہ قراردیا۔انہوں نے کہا کہ پولیس، فوج اور سی آر پی ایف نے ایک وسیع علاقے کو محاصرے میں لے کر حملہ آوروں کی بڑے پیمانے پر تلاش شروع کی ہے۔
