ڈائریکٹر آر ڈی ڈی کشمیر نے کپواڑہ ضلع کے خمریال کلسٹر میں ایس پی ایم روربن مشن کی صورتحال کا جائزہ لیا

کپواڑہ//ڈائریکٹر دیہی ترقی کشمیر طارِق احمد زرگر نے آج یہاں بلاک ہیڈ کوارٹر کلاروس میں شیاما پر ساد مکھر جی روربن مشن (ایس پی ایم آر ایم ) کے تحت ہونے والی طبعی اور مالی پیش رفت کا جائزہ لینے کے لئے ایک میٹنگ کی صدارت کی۔میٹنگ میں مختلف محکموں کے اَفسران نے شرکت کی ۔اے سی ڈی کپواڑہ نے سکیم کی طبعی اور مالیاتی پیش رفت کا تفصیلی جائزہ پیش کیا۔دیہی علاقوں میںایس پی ایم آر ایم کو مربوط پروجیکٹ پر مبنی بنیادی ڈھانچہ فراہم کرنے کے لئے 2016ء مرکزی وزارتِ دیہی ترقی ( ایم او آر ڈی ) نے شروع کیا تھا۔ جس میں معاشی سرگرمیوں اور نوجوانوں کے ہنرکی ترقی پر بھی توجہ دی جائے گی۔ایس پی ایم آر ایم دیہی ہندوستان میں شناخت شدہ 300 روربن کلسٹر تیار کررہا ہے جس میں 35 رِیاستوں اور یوٹیوں کا احاطہ کیا گیا ہے جس کا مقصد دیہی۔ شہری تقسیم کو ختم کرنا ہے۔اِنٹگریٹیڈ کلسٹر ایکشن پلان ( آئی سی اے پی ) ہر کلسٹر کے لئے تیار اور منظور کیا جاتا ہے جو کلیدی دستاویز ہے جو کلسٹر کی ضروریات اور مختلف مرکزی یا رِیاستی حکومتی سکیموں کے ہم آہنگی کے سے ان ضروریات کو پورا کرنے کے لئے درکار مداخلتوں کا خاکہ پیش کرتا ہے۔صوبہ کشمیر میں اِس سکیم کو ضلع کپواڑہ کے کلسٹرخمریال میں عملایاجارہا ہے جس میں 6گرام پنچایتیں شامل ہیں جن میں سے تین کلاروس اور واووراسی ڈی بلاکس ہیں۔یہ کلسٹر 1,386 گھرانوں اور 14,245 نفوس پر مشتمل ہے ۔کلسٹر کے لئے 57.26 کروڑ روپے کی رقم منظور کی گئی ہے جس میں تقریباً 30 فیصد فنڈس یعنی 16.04 کروڑ روپے مرکزی وزارتِ دیہی ترقی سے بطور کریٹیکل گیپ فنڈنگ ( سی جی ایف) اور باقی 41.22 کروڑ روپے مرکزی اور ریاستی حکومتوں کے مختلف سکیموں کے کنورجن کے ذریعے شامل ہیں۔اِس سکیم کے تحت کلسٹر میں صفائی ، دستکاری ، صحت ، تعلیم ، زراعت ، باغبانی ، بجلی ، ٹرانسپورٹ ، زمین کی تزئین /سیاحت ، پشو پالن وغیرہ سمیت 272 پروجیکٹوں اورسرگرمیوں کے 21 زمروں کی نشاندہی کر کے منظوری دی گئی ہے۔اِن 272 پروجیکٹوں اورسرگرمیوں میں سے 172 پروجیکٹس اور سرگرمیوں کو 108 اثاثوں کے جیوٹیگ کے ساتھ مکمل کیا گیا ہے اور باقی تکمیل کے مختلف مراحل میں ہیں۔ ڈائریکٹر آر ڈی ڈی کشمیر نے تمام محکموں پر زور دیا کہ وہ مالی سال 2021-22کے لئے مقرر کردہ اہداف کو پورا کرنے کے لئے مشن موڈ پر کام کریں تاکہ اِس سکیم کے فوائد ہدف آبادی تک پہنچ سکیں ۔ اُنہوں نے تمام لائن ڈیپارٹمنٹوں سے کہا کہ وہ ماہانہ پیش رفت رِپورٹ نوڈل آفیسر کو پیش کریں اور اِس بات کو یقینی بنائیں کہ عام لوگوں کو ایس پی ایم آر ایم کے فوائد سے آگاہ کیا جائے ۔بعد میں ڈائریکٹردیہی ترقی طارِق احمد زرگر نے خمریال میں ایس پی ایم آر ایم کے تحت جاری کئی کاموں کا بھی معائینہ کیا جن میں اینمل ہسبنڈری سینٹر ، ٹائل پاتھ ، خمریال برج ، سکولی عمارتیں اور دیگر کام شامل ہیں اور اُنہوں نے اَفسران کو ہدایت دی کہ وہ پروجیکٹوں کو تیزی سے مکمل کریں۔