جموں//ایڈیشنل چیف سیکرٹری صحت و طبی تعلیم ووِیک بھارد واج نے آج جی ایم سی جموں کا دورہ کیا۔ اُنہوں نے دورے کے دوران نئے ایمرجنسی بلاک کے لئے اے ایس ایس او سی ایچ اے ایم کے وقف کردہ 500ایل پی ایم آکسیجن جنریشن پلانٹ کا اِفتتاح کیا۔ اُنہوں نے جنرل میڈیسن ، جنرل سرجری ، آرتھو پیڈکس ، اینستھیزیا اور نیورو سرجری محکموں کے سربراہان کو نئے بنائے گئے 222 کریٹیکل کیئر بیڈس کے الاٹمنٹ لیٹرس بھی حوالے کئے۔اِس میں سپیشل سپسپک کریٹیکل کیئر بیڈ تیار کئے گئے ہیں تاکہ اِدارے میں مریضوں کی دیکھ ریکھ کو بہتر بنایا جاسکے۔یہ بات قابل ذِکر ہے کہ سپیشل سپسپک کریٹیکل بستروں کا پہلے ہی شعبہ اطفال اور گائنی/ آبسٹیٹرکس کے ذریعے اِنتظام کیا جارہا ہے۔اُنہوں نے شعبہ انستھیزیا کے تحت پین کلینک کا بھی اِفتتاح کیا اور شعبہ فارماکولوجی اور اینستھیزیا کے تحت پلائی ٹیو کیئرکلینک کی نگرانی اے آئی آئی ایم ایس نئی دہلی کرے گی۔جی ایم سی جموں کے پانچ ڈاکٹروں کو بھی ایمز نئی دہلی میں پلائی ٹیو کیئر کی تربیت دی گئی ہے۔اُنہوں نے ہسپتال کے دورے کے دوران ایمرجنسی اور میڈیسن او پی ڈی میں مریضوں سے بات چیت کی اور انہیں فراہم کی جانے والی خدمات کے بارے میں دریافت کیا۔مریضوں نے ہسپتال کے علاج و معالجہ پر اطمینان کا اِظہار کیا ۔اُنہوں نے گذشتہ دو برسوں کے دوران صحت کی دیکھ ریکھ کرنے والے کارکنوں کی طرف سے ادا کئے گئے کردار کوسراہا اور اُنہوں نے کارکنوں سے کہا کہ وہ ایک مشن موڈ کے تحت بیمار اِنسانیت کی خدمت جاری رکھیں۔اُنہوں نے مزید کہا کہ ہیلتھ کیئر ورکر ہونا ایک نعمت ہے اور ہر کسی کو مریضوں کی توقعات پر پورا اُترنے کی بھرپور کوشش کرنی چاہیئے۔پرنسپل اور ڈین جی ایم سی جموں ڈاکٹر ششی سدھن شرما نے جانکاری دی کہ بنیادی ڈھانچے کے لحاظ سے بڑی بہتری آئی ہے جیسے 100بستروں کا نیا ایمرجنسی بلاک ، ڈی آر ڈی او ہسپتال ، ایم سی ایچ ہسپتال ، آکسیجن جنریشن پلانٹس ، آکسیجن سپورٹیڈ بیڈ ، وینٹی لیٹروں اور اَطفال اور بالغ مریضوں کے لئے نازک نگہداشت کے بیڈ گذشتہ ایک برس کے دوران حاصل کیا گیا اور بہت سے بڑے پروجیکٹ جیسے سٹیٹ کینسر اِنسٹی چیوٹ ، بون اینڈ جوائنٹ ہسپتال ، 275 بستروں پر مشتمل اِضافی بلاک ، چوپڑا نرسنگ ہوم کی اَپ گریڈیشن اور جی ایم سی ایچ میں پلمبنگ / صفائی نظام کے2022ء میں مکمل ہونے کا امکان ہے ۔اُنہوں نے کہا کہ ہم جی ایم سی جموں کو ایک اِنسٹی چیوٹ آف ایکسیلنس تعمیر کرنے کی کوشش کررہے ہیں۔ ایڈیشنل چیف سیکرٹری کے ہمراہ ایم ڈی جے کے ایم ایس سی ایل ڈاکٹر یشپال شرما، سپیشل سیکرٹری جی اے میر ، ڈائریکٹر فائنانس ظہور احمد وانی، ایڈمنسٹریٹر اے ایچ اشونی کھجوریہ، ایڈیشنل سیکرٹری آر ایس چار، سربراہان اور فیکلٹی ممبران بھی تھے۔
