نئی دہلی، 11 فروری
وزیر خزانہ نرملا سیتا رمن نے کہا ہے کہ مہاتما گاندھی نیشنل رورل ایمپلائمنٹ گارنٹی ایکٹ (منریگا) ایک مطالبہ پر مبنی پروگرام ہے اور جب جب بھی اس کے تحت گرانٹ کامطالبہ کیا جاتا ہے تب تب حکومت اس کے بجٹ کو بڑھائے گی۔محترمہ سیتارمن نے جمعرات کو 2022-23 کے مرکزی بجٹ پر لوک سبھا میں ہوئی عام بحث کا جواب دیتے ہوئے کہا کہ اپوزیشن کا حکومت پر منریگا کے بجٹ کو کم کرنے کا الزام بے بنیاد ہے۔انہوں نے کہا کہ ‘امرت کال’ کی طرف بڑھنے کے لیے، وزیر اعظم نریندر مودی کی قیادت والی حکومت نے کئی قدم اٹھائے ہیں۔ آج جن دھن یوجنا کی وجہ سے تمام ہندوستانی سمیت مالیاتی نظاموں سے جڑے ہوئے ہیں اور ان کھاتوں میں 1.57 لاکھ کروڑ روپے جمع ہیں۔ ان میں 55.6 فیصد اکاؤنٹس خواتین کے ہیں۔محترمہ سیتا رمن نے کہا کہ ملک میں 2020-21 میں 44 یونیکورن (ایک ارب ڈالر سے زیادہ کی تشخیص والی یونٹس) بنیں، جو امرت کال کاہی اشارہ ہیں۔انہوں نے کہا کہ ملک میں روزگار کی صورتحال میں اب بہتری کے آثار نظر آرہے ہیں۔ شہروں میں بے روزگاری اب کووڈ سے پہلے کی سطح پر آ گئی ہے۔ 60 لاکھ نوکریاں صرف پروڈکٹ بیسڈ انسینٹیو (پی آئی ایل) اسکیم کو فروغ دینے سے پیدا ہوں گی۔ سال 2015 میں شروع کی گئی پردھان منتری مدرا یوجنا کے تحت، اب تک 1.2 کروڑ اضافی روزگار کے مواقع پیدا ہوئے ہیں۔