شمالی کشمیر کے کپواڑہ ضلع کے ہریل علاقے میں بدھ کی صبح اُسوقت غم واندوہ کی لہردوڑ گئی ،جب یہاں ایک جواں سال انجینئرنگ طالب علم دل کا دورہ پڑنے کی وجہ سے لقمہ اجل بن گیا۔جے کے این ایس کے مطابق پولیس ذرائع نے بتایا کہ انجینئرنگ کے طالب علم 24سالہ اشفاق شفیع ساکنہ قلم آباد ماؤر ہریل ہندوارہ کو بدھ کی کی صبح گھر پراچانک دل کاشدیددورہ پڑا۔ذرائعنے بتایا کہ نوجوان لڑکے کو فوری طور پر قریبی ہسپتال منتقل کیا گیا جہاں ڈاکٹروں نے اسے مردہ قرار دیا۔نوجوان کی اچانک موت سے علاقے میں کہرام مچ گیا۔حرکت قلب بند ہونے کے بڑھتے ہوئے واقعات، خاص طور پر کشمیر کے لوگوں میں خوف وہراس پیدا ہوگیا ہے۔حال ہی میں ایسے کئی کیسز سامنے آئے ہیں جن میں دل کا دورہ پڑنے سے کئی نوجوانوں کی موت ہو گئی۔
