اِنتظامی کونسل کی میٹنگ آج یہاں لیفٹیننٹ گورنر منوج سِنہا کی صدارت میں منعقد ہوئی جس میں محکمہ ریونیو کی تجویز کو منظور ی دی کہ زمین کے مختلف پارسلوں کو عوامی مقاصد کے لئے منتقل کیا جائے۔میٹنگ میں لیفٹیننٹ گورنر کے مشیر فاروق خان ، مشیر راجیور رائے بھٹناگر ، چیف سیکرٹری ڈاکٹر ارون کمار مہتا اور لیفٹیننٹ گورنر کے پرنسپل سیکرٹری نتیشور کمار نے شرکت کی۔اِنتظامی کونسل نے ہیرا نگر ضلع کٹھوعہ میں 144 کنال 12مرلہ اراضی کو یوتھ سروس اینڈ سپورٹس ڈیپارٹمنٹ اور جموںوکشمیر میںارون جیٹلی میموریل سپورٹس کمپلیکس کی تعمیر کے حق میں منتقل کرنے کو منظور ی دی ۔اِس فیصلے کا مقصد کرکٹ ، ہاکی ، فٹ بال ، ریسلنگ اور ایتھلیٹکس کھیلوں کے لئے معیاری کھیل بنیادی ڈھانچہ فراہم کرنا اور کٹھوعہ اور سانبہ اَضلاع کو ہندوستان کے کھیل نقشے پر لانا ہے۔سپورٹس کمپلیکس کی تعمیر پر تخمینہ لاگت 58.23 کروڑ روپے ہوگی اور مقامی کھلاڑیوں کو ان کے متعلقہ شعبوں میں بہترین کارکردگی کا مظاہرہ کرنے کے مواقع فراہم کرتے ہیں۔مزید یہ کہ ضلع شوپیان میں نئی اِنڈسٹریل اسٹیٹ کے قیام کے لئے محکمہ صنعت و حرفت کے حق میں 740 کنال 9.5مرلہ اراضی کی منتقلی کی منظوری دی گئی ۔ آنے والی اِنڈسٹریل اسٹیٹ علاقے میں معاشی سرگرمیوں اور صنعتی ترقی کو فروغ دے گی اور نوجوانوں کو کاروباری اور روزگار کے مواقع فراہم کرے گی۔اِنتظامی کونسل نے میڈیسٹی کے قیام کے لئے محکمہ صنعت و حرفت کے حق میں 750 کنال اراضی کی منتقلی کو منظور ی دی ۔اِس خطے میں میڈیسٹی کو فعال کرنے سے عالمی معیار کا صحت دیکھ ریکھ بنیادی ڈھانچہ اور سہولیات میسر ہوںگی ۔ اِس کے علاوہ میڈیکل اور فارما پروفیشلنوں ، مقامی فارماسسٹ اور دکانداروں کو روزگار کے مواقع فراہم ہوں گے۔لفٹینٹ گورنر منوج سنہا کی قیادت میں آج یہاں انتظامی کونسل کی میٹنگ منعقد ہوئی جس میں جموں و کشمیر کے مختلف اضلاع میں مختلف ترقیاتی کاموں کو انتظامی منظوری دی گئی ۔ میٹنگ میں لفٹینٹ گورنر کے مشیران فاروق خان اور راجیو رائے بٹھناگر ، چیف سیکرٹری ڈاکٹر ارون کمار مہتا اور لفٹینٹ گورنرکے پرنسپل سیکرٹری نتیشور کمار نے شرکت کی ۔ انتظامی کونسل نے گجر نگر اور ڈوگرہ ہال جموں میں موجودہ سلاٹر ہاوس کو 21.88 کروڑ روپے کی تخمینہ لاگت سے جدید بنانے کی منظوری دی ۔ یہ پروجیکٹ انسانی استعمال کیلئے صحت بخش گوشت کی دستیابی کو یقینی بنائے گا اس کے علاوہ فضلے کو سائنسی طریقے سے ٹھکانے لگانے ، علاقے میں آلودگی کی جانچ اور پلیوشن کنٹرول بورڈ ( پی سی بی ) اور این جی ٹی جیسے ریگولیٹری اداروں کے خدشات کو دور کرنے کے علاوہ جدید کاری کا کام 12 ماہ میں مکمل کر لیا جائے گا ۔ مزید براں انتظامی کونسل نے موجودہ بس سٹینڈ ڈوڈہ میں 32.46 کروڑ روپے کی تخمینہ لاگت سے کثیر منزلہ پارکنگ کی تعمیر کو بھی منظوری دی ۔ یہ پروجیکٹ 9526.05 مربع میٹر کے رقبے پر پھیلے گا اور اس میں ایک وقت میں 136 کاریں اور 20 بسیں پارک کرنے کی گنجائش ہو گی ۔ مزید براں وہاں اقتصادی سرگرمیوں کو فروغ دینے کیلئے 36 دکانیں بھی تعمیر کی جائیں گی اور یہ پروجیکٹ 2 سال میں مکمل کیا جائے گا ۔ اسی طرح رام بن میں 22.44 کروڑ روپے کی تخمینہ لاگت سے کثیر منزلہ بس سٹینڈ کی تعمیر کو بھی انتظامی منظوری دی گئی ۔ یہ پروجیکٹ رام بن شہر میں بھیڑ کو کم کرنے ، ٹریفک کی بھیڑ کو کم کرنے اور علاقے کو ایک متحرک اقتصادی مرکز کے طور پر ترقی دینے کیلئے اضافی پارکنگ کی جگہیں بنائے گا ۔ یہ پروجیکٹ 5033 مربع میٹر کے رقبے پر تعمیر کیا جائے گا جس میں گراؤنڈ فلور پر 20 بسیں اور پہلی منزل پر 50 ہلکی موٹر گاڑیاں پارک کرنے کی گنجائش ہو گی اسے دو سال کی مدت میں مکمل کیا جائے گا ۔
