بشارت رشید
ترال: جنوبی کشمیر کے ترال علاقے میں بدھ کو چنار ویلی گروپ کی جانب سے ایک روڈ ریس کا اہتمام کیا گیا، جسمیں طلباء کی ایک اچھی تعداد نے شرکت کی۔ اس دوران سٹیزن کونسل ترال کے چیئرمین فاروق ترالی، نائب تحصیلدار ترال، چیئرمین چنار ویلی گروپ جنید رحمان، محکمہ ہیلتھ کے ملازمین اور پولیس اہلکار بھی افتتاحی تقریب میں موجود رہے۔ ریس کے دوران لڑکیوں میں فضا منظور نے پہلی، سمرا عاشق نے دوسری اور رونق طاریق نے تیسری پوزیشن حاصل کی، جبکہ لڑکوں میں تنویر احمد نے پہلی، ساوود احمد نے دوسری، اور دانش دلشاد نے تیسری پوزیشن حاصل کی۔ بہتر کارکردگی دکھانے والے طلباء میں ٹرافیاں اور سرٹیفکیٹس تقسیم کئے گئے۔ ایک عہدیدار کے مطابق اس روڈ ریس کا انعقاد نوجوانوں کو منشیات سے دور رکھنے کی غرض سے کیا گیا تھا۔