اخلاص ویلفیر سوسائٹی کی جانب سے عوامی خدمات کا سلسلہ جاری

سید اعجاز
ترال //سماجی خدمات کے لئے معروف ادارہ اخلاص ویلفیر سوسائٹی ترال کشمیر(زیر اخلاص ٹرسٹ ترال) کی جانب سے ترال کے دور افتادہ گوجر بستی شاجن پانزو ترال میں منگلوار کو ایک مفت طبی کیمپ کا انعقاد کیا گیا ہے جس میں مریضوں کو علاج و معالجہ کے علاوہ ہزاروں روپے مالیت کی مفت ادویات فراہم کی گئی۔گوجر بستی شاجن پانزو ترال کے علاوہ ملحقہ گجر بستیوں کے لوگ اس کیمپ سے مستفید ہوگئے۔مشہورسماجی کار کن و معالج ڈاکٹر نثار احمد بٹ ترالی کے علاوہ دیگر ڈاکٹر صاحبان جن میں ڈاکٹر ارشاد احمد میر اور ڈاکٹر شیراز احمد بٹ قابل ذکر ہیں ،نے اس کیمپ میں اپنی خدمات انجام دیں ہیں۔اس دوران اخلاص سوسائٹی کے رضا کاروں نے اس کیمپ میں بڑ چڑ کر حصہ لیا اوع عوام تک یہاں موجود ادویات کو پہنچایا ۔ ڈاکٹر وں نے سینکڑ وں لوگوں کے اس کیمپ میں طبی جانچ کئے اور کئی ایک Testsبھی کرائے گئے۔دانتوں کے بھی Check upکیے گئے چونکہ دانتوں کے ڈاکٹر بھی اس مفت طبی کیمپ میں موجود تھے خیال رہے شاجن ترال ایک ایسا علاقہ ہے جہاں اسی سال سڑک کا رابطہ بنایا گیا ہے جبکہ مقامی لوگوں کے مطابق 4روز قبل یہاں لوگوں نے پہلی بار بجلی دیکھی ہے۔علاوہ ازیںپرنٹ اور الیکٹرانک میڈیا سے وابسطہ افراد نے بھی اس کیمپ میں شمولیت کی ہے۔یاد رہے اخلاص ویلفیر سوسائٹی ترال کشمیر کئی دہائیوں سے اس طرح کے مفت میڈیکل کیمپ کرتے آیا ہے اور آج کا یہ کیمپ اسی سلسلے کی ایک کڑی کے طور لیا جاسکتا ہے۔اس موقعے پر معروف معالج،مصنف و سماجی کار کن ڈاکٹر نثار احمد بٹ ترالی نے بتایا سال1991سے اخلاس ویلفئیر سوسائٹی نے یہ کام شروع کیا ہے جس دوران ہر تین ماہ کے بعد اس علاقے کو منتخب کیا جاتا ہے جہاں طبی سہولیات موجود نہیں ہے انہوں نے کہا یہ سلسلہ مستقبل میں بھی جاری رہے گا ۔