سری نگر:۲نومبربر: کے این ایس : شمالی کشمیر کے ضلع بانڈی پورہ کے بونہ یاری گاو¿ں میں بدھ کی صبح جھیل ولر میں کشتی الٹ جانے سے ایک شخص لاپتہ جبکہ دو دیگرمعجزاتی طور بچ نکلنے میں کامیاب ہوگئے۔اس دوران پولیس اور مقامی لوگوں نے لاپتہ شخص کی تلا ش تیز کر دی ہے۔ادھرگاندربل میں جے سی بی سڑک سے پھسلنے سے کنڈکٹر ہلاک، ڈرائیور سمیت 2 زخمی ہوئے ہیں ۔کشمیر نیوز سروس کے مطابق بانڈی پورہ میں بونہ یاری گاو¿ں کے نزدیک تین افراد ایک شہتیر لا رہے تھے جس دوران جھیل ولر میں ایک کشتی الٹ جانے سے ایک شخص لاپتہ ہوگیا جبکہ دو دیگر بچ نکلنے میں کامیاب ہوگئے۔پولیس ذرائع نےلاپتہ شخص کی شناخت جاوید احمد ڈار ولد غلام محمد ڈار ساکن بونہ یاری کے بطور ہوئی ہے۔نمائندے کے بتایا اس واقعے کے حوالے سے اطلاع موصول ہونے کے ساتھ ہی یہاں کہرام مچ گیا ہے ۔اور تمام لوگوں کے ساتھ ساتھ پولیس نے بھی لاپتہ شخص کی تلاش کے لئے بڑے پیمانے پر آپریشن جاری ہے۔خیال رہے یہاں ہر سال متعدد اس طرح کے حادثات میں لوگ لاپتہ ہونے کے بعد لقمہ اجل بن جاتے ہیں۔ادھر وسطی کشمیر کے گاندربل ضلع میں زوجی لا پر واقع کوکرن پل پر بدھ کو جے سی بی کے ایک کنڈکٹر کی موت ہو گئی جب کہ ڈرائیور اور ایک اور شخص سڑک سے پھسل کر زخمی ہو گیا۔ایک اہلکار نے بتایا کہ ایک جے سی بی بدھ کے روز دوپہر کرگل سے سونمرگ کی طرف آرہاتھاکہ سڑک سے پھسل گئی۔انہوں نے بتایا کہ اس واقعہ میں ڈرائیور کی شناخت ارون سنگھ پنجاب کے طور پر ہوئی ہے اور اس کے کنڈکٹر کی شناخت منیر احمد ساکنہ بارہمولہ اور دوسرے شخص کی شناخت ساجد احمد ساکنہ بارہمولہ کے طور پر ہوئی ہے۔انہوں نے بتایا کہ وہاں موجود سبھی کو پی ایچ سی سونمرگ منتقل کیا گیا، جہاں پہنچتے ہی کنڈکٹر کو مردہ قرار دے دیا گی۔جبکہ دیگز زخمیوں کا علاج معالجہ جاری ہے۔
