سری نگر:25،نومبر: کے این ایس : جموں و کشمیر ریاستی الیکشن کمیشن نے ڈرگمولہ (کپوارہ) اور حاجن-اے ضلع ترقیاتی حلقوں میں 5 دسمبر تک کسی بھی ایگزٹ پول کے انعقاد پر پابندی عائد کردی ہے۔کشمیر نیوز سروس ( کے این ایس ) کے مطابق ایک حکم، جس کی ایک کاپی نیوز ایجنسی پاس ہے،انتخابی باڈی نے 5 دسمبر تک کسی بھی ایگزٹ پول کے انعقاد یا اس کی اشاعت پر پابندی لگا دی ہے۔جموں و کشمیر پنچایتی راج ایکٹ 1989کے سیکشن 36 کے تحت عطا کردہ اختیارات کے استعمال میں، الیکشن اتھارٹی (ریاستی الیکشن کمیشن) کسی بھی ایگزٹ پول کے انعقاد اور ایگزٹ پول کے نتائج کو شائع کرنے یا ظاہر کرنے پر پابندی لگاتی ہے۔ پرنٹ یا الیکٹرانک میڈیا یا کسی بھی دوسرے طریقے سے ڈی ڈی سی حلقہ ڈرگمولہ (کپوارہ) اور حاجن،اے (بانڈی پورہ) میں دوبارہ پولنگ کے دوران، 5دسمبر 2022کو دوپہر 2بجے دوبارہ پولنگ کے اختتام کے لئے مقرر کردہ وقت تک ہے۔
