سرینگر//جمیل انصاری: ادبی مرکز کمرازجموں و کشمیر کی سرپرستی میں جہلم ویلی کلچرل فورم سمبل سوناواری کی طرف سے گورنمنٹ گرلز ہائی سکول سمبل میں ایک ادبی تقریب کا انعقاد کیا گیا۔ تقریب کی صدارت ادبی مرکز کمراز کے صدر محمد امین بٹ نے کی،جبکہ مرکز کے جنرل سیکریٹری شبنم تلگامی، شاکر شفیع، رمضان جوہر، سکول کے سربراہ محمد اشرف اورسلیم یوسف بھی ایوانِ صدارت میں تشریف فرما تھے۔ تقریب پر ملٹی لنگول مشاعرے کا انعقاد کیا گیا۔ پروگرام کے ابتداءمیں فورم کے سربراہ فاروق سمبلی نے خطبہ استقبالیہ پیش کیا اور ادبی تقریب کے حوالے سے اپنے خیالات کا اظہار کیا۔تقریب پر معراج فدائی نے تلاوتِ کلامِ پاک پیش کیا جبکہ محتاج گنستانی نے نعتِ نبی سے حاضرین کو مسرور کیا۔ مشاعرے میں جن شعرائے کرام نے اپنا منظوم کلام پیش کیا اُن میں ساگر سرفراز ، مجید مجازی، سید عباس جوہر، ساگر نزیر، شوکت شہباز، سید اختر حسین منصور، شبنم تلگامی، جوہر رمضان، فاروق سمبلی، منظور مہتاب، سلیم یوسف، بشیر اجسی، محتاج گنستانی، مشتاق سمبلی، نزیر شلوتی، سابق علی سابق، سمینہ ملک، محمد یاسین قادری، گلفام نوگامی، ساجد سجاد، توفیق طالب، وسیم علی کاظمی اورغلام محمد گوہر شامل ہیں۔ مشاعرے کی نظامت کے فرائض مشتاق سمبلی نے انجام دئے