سرینگر//وادی کشمیر کے سرینگر میں موجودیہاں کی تاریخی جامع مسجد کی انتظامیہ نے ایک نوٹیفکیشن جاری کرتے ہوئے مسجد کے اندر فوٹوگرافی پر پابندی عائد کی ہے اور مردوں اور عورتوں کو مسجد کے لان میں ایک ساتھ نہ بیٹھنے کو کہا ہے۔کشمیر نیوز سروس( کے این ایس ) کے مطابق انجمن اوقاف مرکزی جامع مسجد نے مسجد کمپلیکس کے چاروں طرف لگائے گئے نوٹیفکیشن میں کہا کہ فوٹو گرافی کے سامان کا داخلہ بھی ممنوع ہے۔اس میں لکھا گیا ہے کہ "فوٹوگرافرز یا کیمرہ پرسن کو مسجد کے اندر کسی بھی قسم کی تصاویر لینے یا کلک کرنے کی ممانعت ہے۔ حتیٰ کہ کسی بھی قسم کی تصاویر کو کلک کرنے کے لیے استعمال ہونے والے آلات کی بھی مکمل طور پر اجازت نہیں ہے اور انہیں فوری طور پر گیٹ پر روکا جانا چاہیے۔”اس نے مسجد کے احاطے میں کھانے پینے کی اشیاءلے جانے پر بھی پابندی عائد کردی۔نوٹیفکیشن میں کہا گیا ہے کہ "مسجد کے اندر کسی کو دوپہر کا کھانا یا کسی بھی قسم کے کھانے پینے کی اجازت نہیں ہے، اس لیے زائرین کو گیٹ پر ہی روکنا ہوگا۔”14ویں صدی کی مسجد کی انتظامیہ نے اپنے سیکیورٹی گارڈز کو ہدایت کی کہ وہ ان ہدایات پر فوری عمل درآمد کریں۔خواتین مسجد میں داخل ہو سکتی ہیں اگر ان کے لیے مردوں سے الگ کوئی جگہ مقرر ہو۔
