بڈگام:۱۳،دسمبر: جے کے این ایس : سماج سے منشیات کو ختم کرنے کی کوششوں کو جاری رکھتے ہوئے، بڈگام پولیس نے 2منشیات فروشوں کو گرفتار کیا اور ان کے قبضے سے ممنوعہ مادہ برآمد کیا۔جے کے این ایس کے مطابق پولیس اسٹیشن چاڈورہ کی ایک پارٹی نے گزشتہ روز رات میں ناکے کی چیکنگ کے دوران ایک گاڑی سنٹرو زیر نمبرJK04A-8236 کو روکا کر تلاشی شروع کی جس میں2افراد سوارتھے۔ دوران تلاشی ان کے قبضے سے176.2کلو گرام پوست کے بھوسے برآمد کئے۔منشیات فروشوں کو گرفتار کر لیا گیا جن کی شناخت شوکت احمد یتو ولد عبدالعزیز یتو سا کنہ حیات پورہ چاڈورہ اورفاروق احمد شیخ عرف جانا ولد عبدالمجید شیخ ساکنہ تنگنار چاڈورہ کے طور پرہوئی ہے۔ اس سلسلے میں ایف آئی آر نمبر209/22قانون کی متعلقہ دفعات کے تحت پولیس اسٹیشن چاڈورہ میں درج کر کے تفتیش شروع کر دی گئی ہے۔جرم کےلئے استعمال ہونے والی گاڑی سنٹرو بھی ضبط کر لی گئی ہے۔بڈگام پولیس نے کہاکہ سال2022 میں122منشیات فروشوں کو گرفتار کیا گیا اور جرم میں ملوث 18 گاڑیاں بھی ضبط کر لی گئی ہیں۔ کیمونٹی ممبران سے درخواست کی جاتی ہے کہ وہ اپنے پڑوس میں منشیات کی فروخت سے متعلق کسی بھی معلومات کے ساتھ آگے آئیں۔ منشیات فروشی میں ملوث پائے جانے والے افراد کے خلاف قانون کے مطابق کارروائی کی جائے گی۔ منشیات فروشوں کے خلاف ہماری مسلسل کارروائیوں سے کمیونٹی کے افراد کو یقین دلانا چاہیے کہ ہم اپنے معاشرے کو منشیات کی لعنت سے پاک رکھنے کے لیے کوششیں کر رہے ہیں۔