راجوری:۳،جنوری:جموں و کشمیر پولیس نے اتوار کی شام راجوری حملے میں ملوث ملی ٹنٹوں کواشتہاری مجرم قرار دیتے ہوئے اُن کے بارے میں معلومات فراہم کرنے پر10 لاکھ روپے کے انعام کا اعلان کیا ہے۔اس دوران قومی تحقیقاتی ایجنسی NIAکی ایک اعلیٰ سطحی ٹیم نے ڈانگری گاو¿ں میں جائے واردات پر پہنچی،اورانہوںنے ہلاکت خیز حملوںکی تحقیقات شروع کردی ۔جے کے این ایس کے مطابق پولیس نے ایک بیان میں کہاکہ اگر کوئی شخص حملے میں ڈانگری راجوری حملے وہلاکتوںمیں ملوثملی ٹنٹوں کے بارے میں کوئی خاص معلومات شیئریافراہم کرتا ہے تو اسے10 لاکھ روپے کا انعام دیا جائے گا۔پولیس نے یہ بھی کہا کہ اطلاع دینے والے کی تفصیلات خفیہ رکھی جائیں گی۔اس سے پہلے منگل کی صبح قومی تحقیقاتی ایجنسی کی ایک خصوصی ٹیم بھی ڈانگری گاو¿ں میں جائے واردات پر پہنچی۔این آئی اے کی ٹیم نے جائے واردات کاجائزہ لیکر اس معاملے کی تحقیقات شروع کردی ۔دریں اثناءضلع راجوری کے ڈانگری گاﺅںمیں اتوار کی شام فائرنگ اور پیرکی صبح ہوئے دھماکے میں ازجان ہونے والے6شہریوں کی آخری رسومات منگل کے روز انجام دی گئیں ،جن میں پولیس کے اعلیٰ حکام بشمول ڈائریکٹر جنرل آف پولیس جموں و کشمیر دلباغ سنگھ، ڈویڑنل کمشنر جموں اور اے ڈی جی پی جموں مکیش سنگھ اور سینکڑوں لوگوںنے شرکت کی ۔ ملی ٹنٹوں کی فائرنگ اور نصب کردہ دھماکہ خیز موادکے پھٹ جانے سے جاں بحق ہونے والے2کمسن بچوں سمیت6عام شہریوںکی نعشوںکو منگل کو راجوری ضلع کے ڈانگری گاو¿ں میں آخری رسومات کےلئے شمشان گھاٹ پہنچایاگیا،جہاں بڑی تعداد میں لوگ جمع ہوئے جبکہ اس موقعہ پروہاں ڈی جی پی دلباغ سنگھ، اے ڈی جی پی جموں مکیش سنگھ اور صوبائی کمشنر جموں سمیت پولیس وسیول انتظامیہ کے اعلیٰ افسران بھی موجودرہے اورغمزدہ ماحول میں سبھی شہریوںکی آخروی رسومات انجام دی گئیں ۔قابل ذکر بات یہ ہے کہ اتوار کی شام ڈنگری گاو¿ں پر مشتبہ عسکریت پسندوں کے حملے کے بعد4 شہری ہلاک جبکہ 6 دیگر زخمی ہو گئے۔اگلی صبح، ڈنگری گاو¿ں میں مقتول شہریوں کے ایک گھر میں بغیر کسی آئی ای ڈی کے دھماکے سے2 کمسن بچے بھی ہلاک اور کئی دیگر زخمی ہوئے۔اس حملے سے مقامی لوگوں میں خوف و ہراس پھیل گیا ہے، جب کہ سیکورٹی ادارے حملے کی تفصیلات جاننے کی کوشش کر رہے ہیں۔پیر کو جموں و کشمیر کے لیفٹیننٹ گورنر منوج سنہا بھی حالات کا جائزہ لینے اور متاثرہ خاندانوں کے ساتھ اظہار یکجہتی کے لیے ڈانگری گاو¿ں پہنچے۔انہوں نے یہ بھی یقین دلایا کہ سیکیورٹی ادارے واقعے کی تہہ تک جائیں گے اور متاثرہ خاندانوں کو انصاف فراہم کریں گے۔