سید اعجاز
سرینگر//ممتاز سماجی ثقافتی تنظیم غیور فاو¿نڈیشن کی ایک غیر معمولی میٹنگ فاو¿نڈیشن کے چیئرمین انجینئرشوکت غیور اندرابی کی صدارت میں جموں میں ایک تقریب منعقد ہوئی، جس میں فاو¿نڈیشن کے اراکین نے مرکز کے زیر انتظام علاقے میں فن، ثقافت اور ادب کی ترقی کے لیے دل و جان سے کام کرنے کا عزم کیا۔ میٹنگ میں ڈاکٹر عیاش عارف، ایک سرکردہ ثقافتی کارکن اور تنظیم کے سرپرست، ڈاکٹر رتن تلاشی، ایک ممتاز ماہر لسانیات اور ماہر تعلیم اور وائس چیئرمین نے شرکت کی،انہوں نے خطے میں ادب اور فن کے موجودہ منظر نامے پر غور و خوض کیااور ثقافت کے فروغ اور ادبی اور فنی برادری کے موجودہ مسائل کا حل تلاش کرنے کے لیے سیمینارز، انٹرایکٹو سیشنز، ثقافتی تقریبات اور دیگر پروگرام منعقد کرنے کا فیصلہ کیا۔فاو¿نڈیشن کے حال ہی میں کھولے گئے جموں چیپٹر کے اس افتتاحی اجلاس میں جو پہلے سے ہی اس خطے میں فن، ثقافت اور ہم آہنگی کے فروغ کے لیے کام کر رہی ہے، معروف ادبی اور ثقافتی کارکن وجے ولی کو متفقہ طور پر تنظیم کے جموں چیپٹر کا جنرل سیکرٹری منتخب کیا گیا۔ فن ثقافت اور ادب کے شعبے سے تعلق رکھنے والی جن اہم شخصیات نے میٹنگ میں شرکت کی ان میں سنگیت ناٹک اکیڈمی ایوارڈ یافتہ، پی ٹی۔ کرشن لنگو، میر غلام رسول پامپوری، اوتار ہگامی، انجینئر ولی محمد ڈار کانسی پوری، موتی لال مصروف، غلام حسن حسینی، پیارے لال پنڈتا، حاجی عبدالاحد ٹھوکر، ڈاکٹر رمیش نیراش، مختار احمد وانی اور فنی اور ادبی شعبوں سے تعلق رکھنے والے دیگرشخصیات نے شرکت کی ہے ۔
