گوجر بستی گلشن پورہ ترال رابطہ سڑک اور دیگر اہم بنیادی سہولیات کا فقدان

سید اعجاز
ترال//جنوبی کشمیر کے سب ضلع ترال کے اکثر ایسے علاقوں میں سرکار نے گزشتہ چند سال کے دوران رابطہ سڑکیں اور دیگر سہولیات بہم پہنچا ئے جہاں لوگ بنیادی سہولیات کے لئے ترس رہے ہیں تاہم ترال قصبے سے قریب6کلو میٹر دور گوجر بستی گلشن پورہ میں عوام کو اہم بنیادی سہولیات کا فقدان ہے جس کی وجہ سے علاقے کی وسیع آبادی دور جدید میں بھی طرح طرح کے مشکلات کا سامنا کر رہی ہے ۔علاقے سے تعلق رکھنے والے لوگوں کا یک وفد مقامی نوجوان مشتاق احمد کی صدارت میں نمائندے کے ساتھ ملاقی ہوا ہے انہوں نے بتایا علاقے میںسال2002ءمیں رابطہ سڑک پر کام شروع کیا گیا ہے اورسڑک پر تھوڑی سے مرمت کر کے ایسے ہی چھوڑ دیا ہے اور تاہم 20سال گزر جانے کے باجود وہ بستی کی یہ چند کلو میٹر رابطہ سڑک تعمیر نہیں ہو سکی ہے جس کی وجہ سے عوام کو عبور و مرور میں طرح طرح کے مشکلات کا سامنا کرنا پڑ رہا ہے ۔وفد نے بتایا گلشن پورہ کے طبی سنٹر سے آگے قریب 2کلو میٹر رابطہ سڑک ناقابل آمد رفت بن گئی ہے ۔مقامی لوگوں نے آبادی کے لئے یہ دو کلو میٹر رابطہ سڑک وبال جان بن گئی ہے ۔انہوں نے بتایا سرکار نے ترال کے ان علاقوں میں سڑکیں نکالی جہاں کوئی رابطہ ہی نہیں تھا لیکن مزکورہ بستی میں تاحال کوئی اقدام نہیں اٹھایا انہوں نے بتایا ہمیں امید ہے کہ ہمارا مسئلہ حکام تک میڈیا کے ذریعے اعلیٰ حکام تک پہنچ جائے ۔لوگوں نے بتایا علاقے میں پینے کے پانی صورتحال بھی انتہائی خراب ہے جہاں مضر صحت پانی پینے سے انہیں طرح طرح کے مشکلات بیماریوں کا سامنا کرنا پڑ رہا ہے۔نوجوانوں کے وفد نے بتایا بستی میں250چولے قریباً رہائش پزیر ہیں تاہم پوری بستی میں صرف ایک آنگن واڑی سنٹر موجود ہے جبکہ لوگوں کو سرکار اسکیموں کے حوالے سے کوئی جانکاری نہیں ہے۔ تاہم انہوں نے کہا بجلی کا بہتر نظام ہے جبکہ ایک طبی سنٹر بھی موجود ہے انہوں نے سنٹر کے لئے عملے کی مکمل دستیابی کی مانگ کی ہے ۔انہوں نے کہا ان کے مسائل کو ایڈیشنل ڈپٹی کمشنر ترال کئی بار آئے ہیں تاہم تاحال کوئی کارروائی نہیں ہوئی ہے ۔قابل ذکر بات یہ ہے کہ مزکورہ بستی کو چند سال پہلے بھی ماڈل ولیج کا درجہ دیا گیا ہے تاہم لوگوں کے مطابق خالی بنڈ تعمیر کئے گئے جو برف باری اور بارشوں کے دوران ہی گر گئے ۔لوگوں نے بتایا ملک میں 5Gکا استعمال کر رہے ہیں تاہم وہ کال کرنے کی حالت میں نہیں ہے انہوں نے اس حوالے سے حکام سے مداخلت کی اپیل کی ہے ۔لوگوں نے ایل جی انتظامیہ،ڈی سی پلوامہ کو اس حوالے

File photoسے مداخلت کی اپیل کی ہے ۔