/ سری نگر:۹،جنوری: کے این ایس : جموںو کشمیر کے معروف کشمیری شاعر،ادایب ،مصنف پروفیسر رحمان راہی اتوار کو رات دیر گئے انتقال کر گئے اس دوران ان کے انتقال پر مختلف طبقہ ہائے فکر کے لوگوں کے ساتھ ساتھ کشمیر نیوز سروس کے چیف ایڈ یٹر محمد اسلم بٹ نے مرحوم کی موت کو کشمیری زبان کے لئے ایک ناقابل تلافی نقصان قرار دیا ہے ۔اایک بیان میں انہوں نے بتایا راہی صاحب نے کشمیر ی زبان کے لئے جو کام کیا ہے اس کو ہمیشہ یاد رکھا جائے گا ۔انہوں نے کہا راہی صاحب نے جس انداز سے مشکل حالات کے باوجود یہاں اس کشمیری زبان کو فروغ دینے کے لئے کام کیا ہے وہ کردارآج تک کوئی ادا نہیں کر سکا ہے۔محمد اسلم بٹ نے بتایا مرحوم کو کشمیر نیوز سروس کے ساتھ قریبی تعلقات تھے انہوں نے بتایا ادارے نے ہمیشہ کوشش کی ہے کہ انہوں نے جو اس قوم کی زبان کے لئے کیا ہے اور ان کوششوں کو عوام اور سرکار تک پہنچانے میں ہمیشہ ادارے کی ترجیحی رہی ہے ۔انہوں نے پورے خاندان کے ساتھ تعزیت اور مرحوم کے بلند درجات کے لئے دعا کی ہے ۔