نیوز ڈیسک
پلوامہ: بھارت جوڑو یاترا کی ایک کڑی کے تحت بدھ کو جموں کشمیر کانگریس کے سنئیر لیڈر و جنرل سیکرٹری سریندر سنگھ چنی نے یوتھ لیڈر منپریت سنگھ کے ساتھ مل کر نارستان علاقے کا دورہ کرکے کئی عوامی وفود سے ملاقات کی۔ اس دوران لیڈران نے علاقے میں لوگوں کو درپیش مسائل پر تشویش کا اظہار کیا، اور کہا کہ سرکار لوگوں کے بنیادی مسائل کو حل کرنے میں ناکام دکھائی دے رہی ہے۔ میڈیا سے بات کرتے ہوئے سریندر سنگھ چنی کا کہنا تھا کہ یہ دورہ کشمیر میں بھارت جوڑو یاترا کی تیاریوں کے پیش نظر عمل میں لایا گیا۔ انہوں نے کہا کہ وہ لوگوں کے مسائل کو متعلقہ حکام کے ساتھ ساتھ گورنر انتظامیہ کے سامنے اٹھانے کی کوشش کریں گے۔