جموں:۷۱، جنوری: جموں و کشمیر حکومت نے منگل کو اپنے ملازمین سے کہا کہ وہ اپنی سرکاری ڈیوٹی کے حصے کے طور پر 26 جنوری کی تقریب اور بیٹنگ ریٹریٹ تقریب میں شرکت کریں۔جے کے این ایس کے مطابق سرمائی راجدھانی جموںمیں جاری ایک سرکاری بیان میں کہا گیاکہ یوم جمہوریہ2023 کی مرکزی تقریب یہاں کے مولانا آزاد اسٹیڈیم میں منعقد ہو رہی ہے جہاں لیفٹیننٹ گورنر منوج سنہا تقریب کی صدارت کریں گے اور سلامی لیں گے۔سرکاری بیان میں کہاگیاکہ جموں میں تعینات حکومت اور پبلک سیکٹر انڈر ٹیکنگ کے تمام افسران واہلکاروں سے کہا جاتا ہے کہ وہ اپنی سرکاری ڈیوٹی کے ایک حصے کے طور پر تقریب میں شرکت کریں۔حکمنامے میں مزید کہاگیاہے کہ ”تمام محکموں کے سربراہان اور پبلک سیکٹر اداروںکے چیف ایگزیکٹوز سے کہا گیا ہے کہ وہ اس تقریب میں اپنی اور اپنے ماتحت ملازمین کی شرکت کو یقینی بنائیں۔ایک اور سرکاری بیان میں کہا گیا ہے کہ بیٹنگ ریٹریٹ تقریب آف دی یوم جمہوریہ کی تقریبات29 جنوری کو شام کے ساڑھے4 بجے مولانا آزاد اسٹیڈیم جموں میں منعقد کی جا رہی ہے۔ جموں میں تعینات تمام سرکاری محکموں کے افسران و اہلکاروں کو بیٹنگ ریٹریٹ تقریب میں شرکت کی ہدایت کی گئی ہے۔یہ تمام محکموں کے سربراہان اور پبلک سیکٹر اداروںکے چیف ایگزیکٹوز پر کوہدایت دی جاتی ہے کہ وہ اس تقریب میں اپنی اور ان کے ماتحت ملازمین کی شرکت کو یقینی بنائیں۔
