سید اعجاز
ترال //منشیات سے معاشرہ کو پاک رکھنے کے لئے اونتی پورہ پولیس نے سویک ایکشن پروگرام کے تحت ٹا¶ن ہال پامپور میں انسداد منشیات مہم، مباحثہ مقابلہ کا انعقار کیا جس کا افتتاح ایس ایس پی اونتی پورہ محمد یوسف-JKPS نے کیا جس میں مختلف اداروں کے طلبائ،، سول سوسائٹی کے اراکین اور پامپور علاقہ کے معززین نے شرکت کی۔اس موقع پر ایس ڈی پی او پامپور شری امتیاز احمد-، پرنسپل گورنمنٹ۔ ڈگری کالج پامپور ڈاکٹر ہدہ گلزئی، چیئرمین ایم سی پامپور ملک یعقوب ملک، ڈی ایس پی سید عقیل شاہ، ایس ایچ او پامپور انسپکٹر ظہور احمد کے علاوہ دیگر سول اور پولیس افسران بھی موجود تھے۔تقریب کے انعقاد کا مقصد علاقے کے لوگوں میں منشیات کے مہلک اثرات اور معاشرے سے اس کے خاتمے کے لیے اٹھائے جانے والے اقدامات کے بارے میں آگاہی فراہم کرنا تھا۔تقریب سے خطاب کرتے ہوئے ایس ایس پی اونتی پورہ نے کہا کہ منشیات کے استعمال کا مسئلہ ملک کی ہر ریاست کے سامنے ایک چیلنج ہے۔ تمام اسٹیک ہولڈرز کا فرض ہے کہ وہ منشیات کے غیر قانونی استعمال اور اس کو روکنے کے لیے اٹھائے جانے والے اقدامات کے بارے میں آگاہی پیدا کرنے میں شامل ہوں۔ انہوں نے کہا کہ منشیات کے استعمال نے انسانی حقوق کو ہر پہلو سے متاثر کیا ہے۔ انہوں نے ڈیبیٹ پروگرام کے انعقاد میں اونتی پورہ پولیس کے تعاون کے لیے شرکاءکی تعریف کی۔ انہوں نے یہ بھی کہا کہ معاشرے سے منشیات کو ختم کرنے کے لیے عوام کا تعاون ضروری ہے اور شرکاءپر زور دیا کہ وہ علاقے میں منشیات کی سپلائی سے متعلق ایسی تمام معلومات شیئر کریں تاکہ پولیس بر وفت کارروائی کر سکے۔ انہوں نے مزید کہا کہ سماجی برائیوں سے چھٹکارا پانے کے لیے اپنے گھروں اور محلے سے اقدامات کرنے کی ضرورت ہے۔تمام معززین نے منشیات سے متعلق اثرات اور منشیات سے پاک معاشرہ بنانے کی ضرورت پر اپنی تقریریں کیںمذکورہ مقابلے میں پہلی پوزیشن تہزیم جاوید نے حاصل کی جنہیں میمنٹو اور تعریفی سرٹیفکیٹ سے نوازا گیا۔ دوسری پوزیشن طفیل جاوید نے حاصل کی اور انہیں میمنٹو اور تعریفی سرٹیفکیٹ سے نوازا گیا اور تیسری پوزیشن مہک اندرابی نے حاصل کی اور انہیں ایک یادگاری سرٹیفکیٹ سے نوازا گیا۔
