سید اعجاز
ترال//شاہ پورہ چھانکتار ترال میں نوجوانوں کو کھیلنے کے لئے میدان موجود نہ ہونے کی وجہ سے انہیں مجبوراً سڑک پر کھیلنا پڑتا ہے جس کی وجہ سے انہیں پریشانیوں کا سامنا کرنا پڑتا ہے ۔مقامی نوجوانوں اور بچوں کی ایک وفد نے بتایا ترال کے مختلف علاقوں میں موجودہ سرکار نے متعدد کھیل کے میدانوں کو تعمیر کیا ہے جہاں بچے اور نوجوانااپنا شوق پورا کرتے ہیں ۔انہوں نے بتایا قصبہ ترال سے صرف پانچ کلو میٹر دور شاہ پورہ چھانکتا ر نامی گاﺅں میں تا حال سرکاری اراضی موجود ہونے کے باوجود میدان تعمیر نہیں کیا گیا ہے جس کی وجہ سے انہیں سڑک پر اپنا شوق پورا کرنا پڑتا ہے جہاں وہ اکثر بیشتر زخمی ہوتے ہیں ۔انہوں کہا کہ سرکار نے ہر اس علاقے میں کھیل کا کیدان تعمیر کیا ہے جہاں جہاں اراضی موجود تھی تاہم نا معلوم وجوہات کی بنا ءپر یہاں میدان تعمیر نہیں کیا گیا ہے جس کی وجہ سے یہاں کے بچوں کو مشکلات کا سامنا کرنا پڑتا ہے ۔انہوں نے اس حوالے سے ایل جی انتظامیہ اور ڈپٹی کمشنر سے مداخلت کی اپیل کی ہے تاکہ انہیں مقامی سطح پر ہی کھیلنے کا موقع فراہم ہو سکے ۔
