سید اعجاز
اونتی پورہ : ڈپٹی انسپکٹر جنرل آف پولیس سوتھ کشمیراننت ناگ رئیس محمد بھٹ-آئی پی ایس نے پولیس ڈسٹرکٹ اونتی پورہ کا دورہ کیا اور کانفرنس ہال ڈی پی ایل اونتی پورہ میں جرائم اور سیکورٹی جائزہ اجلاس کی صدارت کی۔میٹنگ میں ایس ایس پی اونتی پورہ محمد یوسف-، ایس ڈی پی او اونتی پورہ، ایس ڈی پی او پامپور، ایس ڈی پی او ترال، ڈی وائی ایس پی ڈی اے آر، ایس آر پی او، ڈی وائی ایس پی (پروب)، ایس ایچ اوز، پولیس ضلع اونتی پورہ کے انچارج پی پی پیزنے شرکت کی۔ایس ایس پی اونتی پورہ نے ضلع کی موجودہ سیکورٹی صورتحال کے بارے میں تفصیلی پریزنٹیشن دی اور ڈی آئی جی کو پولیس ڈسٹرکٹ کی موجودہ صورتحال بشمول انسداد دہشت گردی آپریشنز، امن و امان کی بحالی اور مقدمات کی تفتیشی پیشرفت کے بارے میں بریفنگ دی۔ڈی آئی جی سوتھ کشمیرنے افسران پر زور دیا کہ وہ امن کو یقینی بنانے کے لیے اپنے اپنے علاقوں کی جنرل سیکیورٹی گرڈ کو مضبوط کریں۔ انہوں نے افسران پر بھی زور دیا کہ وہ مقدمات کی پیشہ وارانہ انداز میں تحقیقات کو ان کے منطقی انجام تک پہنچائیں۔ انہوں نے افسران پر زور دیا کہ وہ سخت محنت کریں اور عوامی شکایات کے فوری ازالے کو یقینی بنائیں۔ڈی آئی جی ایس کے آر نے آئندہ یوم جمہوریہ 2023 کی تقریبات کے سلسلے میں کئے گئے حفاظتی اقدامات/ تیاریوں کے بارے میں بھی آگاہ کیا۔ انہوں نے افسران کو یوم جمہوریہ تقریب کی پرامن تقریبات کے لیے تمام ضروری اور مطلوبہ انتظامات کرنے کی جانکاری دی۔انہوں نے ضلع میں امن و امان برقرار رکھنے میں اونتی پورہ پولیس کی کوششوں کی بھی تعریف کی۔ اجلاس میں شریک افسران کی طرف سے اس یقین دہانی کے ساتھ اختتام پذیر ہوا کہ انہیں دی گئی ہدایات کو زمینی سطح پر مکمل طور پر پیش کیا جائے گا۔