سید اعجاز
اونتی پورہ //پولیس نے پیر کے روز جنوبی کشمیر کے اونتی پورہ میں ملی ٹینٹوں کی ایک کمین گاہ کا پتہ لگا کر اسے تباہ کیا جبکہ لشکر طیبہ تنظیم کے چارملی ٹینٹ معاونین کو گرفتار کرنے کا دعویٰ کیا ہے۔کشمیر زون پولیس نے ایک ٹویٹ میں لکھا،پولیس نے سیکورٹی فورسز کے ساتھ مل کر اونتی پورہ کے ہفو نگین پورہ جنگلات میں ملی ٹینٹوں کے ٹھکانے کا پردہ فاش کیاجس کوتباہ کر دیا۔ انہوں نے لکھا ہے کہ "دہشت گرد تنظیم ایل ای ٹی سے منسلک 04 ملی ٹینٹ معاونین کو گرفتار کیا گیا۔ جن کے قبضے سے مجرمانہ مواد اور دیگر اشیاء برآمد ہوئیں اس حوالے سے مقدمہ درج، تفتیش جاری ہے۔ ".(
