جموں:۸،فروری: جےجموں و کشمیر پولیس نے کہا ہے کہ ضلع راجوری کے ڈانگری گاو¿ں میں ہوئے حملے میں ملوث دہشت گرد ضلع کے بالائی علاقوں میں چھپے ہوئے ہیں اور ان کے بارے میں معلومات فراہم کرنے والے کےلئے10 لاکھ روپے کے انعام کا اعلان کیا گیاہے۔جے کے این ایس کے مطابق منگل کی رات جاری کردہ ایک ایڈوائزری میں، پولیس نے دہشت گردوں کو کسی بھی طرح سے سہولت فراہم کرنے والوں کے خلاف سخت کارروائی کا انتباہ بھی دیا۔یکم جنوری کو راجوری ضلع کے ڈانگری گاو¿ں میں دہشت گردوںکی فائرنگ اور بعدازاں ہوئے دھماکے میں 2بچوں سمیت7 افراد ہلاک اور 14 زخمی ہو گئے تھے۔ پولیس کے مطابق دہشت گردوں کی جانب سے پہلے اس گاﺅںمیں کچھ گھروں پر فائرنگ کے نتیجے میں 2 بھائیوں سمیت5افراد ہلاک ہو گئے تھے، جب کہ ا گلے روز ایک دیسی ساختہ بم (آئی ای ڈی)پھٹ جانے سے2 بچے ہلاک ہو گئے تھے۔پولیس کے مطابق حملہ آور اگلے دن فرار ہو گئے۔اتوار کو، ڈانگری کے باشندگان نے گاو¿ں میں حملوں کے پیچھے دہشت گردوں کا سراغ لگانے میں سیکورٹی ایجنسیوں کی ’ناکامی‘پر تشویش کا اظہار کیا۔ انہوں نے دھمکی دی کہ اگر سیکورٹی ادارے آئندہ15 دنوں میں دہشت گردوں کا قلع قمع نہ کرسکے توگاﺅںکے لوگ بھوک ہڑتال کریں گے۔پولیس نے کہاکہ ڈانگری گاو¿ں میں حملہ کرنے والے دہشت گرد ابھی تک راجوری کی پہاڑیوں میں چھپے ہوئے ہیں،اوربقول پولیس وہ دوبارہ دہشت گردی کا واقعہانجام دے سکتے ہیں۔پولیس نے مزید کہاکہ کچھ لوگ ہیں جو ان دہشت گردوں کی نقل و حرکت اور ان کی بقاءمیں سہولت فراہم کر رہے ہیں اور انہیں پولیس اور سیکورٹی فورسز کی نقل و حرکت کے بارے میں معلومات فراہم کر رہے ہیں۔پولیس نے کہاکہ دہشت گردی کے ان سہولت کاروںپر کڑی نظر رکھی جا رہی ہے اور بہت جلد ان کے خلاف سخت قانونی کارروائی کی جائے گی۔ پولیس نے اعلان کیاکہ ڈانگری حملے وہلاکتوںمیں ملوث دہشت گردوں کے بارے میں جوکوئی بھی معلومات فراہم کرے گا ،اسے 10 لاکھ روپے اور دیگر انعامات دئیے جائیں گے۔پولیس نے اسبات کی یقین دہانی کرائی کہ اطلاع دینے والے کا نام صیغہ راز میں رکھا جائے گا۔لوگوں سے الرٹ رہنے کی اپیل کرتے ہوئے پولیس نے کہا کہ امن ترقی کےلئے شرط ہے اور عوام کو ہر ممکن طریقے سے امن برقرار رکھنے کے لئے پولیس کے ساتھ تعاون کرنا چاہیے۔ نیشنل انویسٹی گیشن ایجنسی (این آئی اے) ڈانگری حملے کی تحقیقات کر رہی ہے۔ حملہ آوروں کا سراغ لگانے کےلئے پولیس اور سیکورٹی فورسز راجوری میں بڑے پیمانے پر آپریشن کر رہی ہیں۔ حکام کے مطابق، گزشتہ5 ہفتوں میں 120 سے زائد آپریشن کئے گئے ہیں
