سری نگر:۹،فروری:جے کے این ایس : موجودہ خراب موسمی حالات کے درمیان، جموں و کشمیر ڈیزاسٹر مینجمنٹ اتھارٹیJKDM نے جمعرات کو 12اضلاع میں آئندہ24 گھنٹوں کے لئے برفانی تودے گرنے کی وارننگ جاری کی۔جے کے این ایس کے مطابق جموں و کشمیر ڈیزاسٹر مینجمنٹ اتھارٹیJKDM نے کشمیر میں اننت ناگ، بانڈی پورہ، بارہمولہ، گاندربل، کپواڑہ، کولگام اضلاع کے ساتھ ساتھ جموں صوبے کے ، ڈوڈہ، کشتواڑ اور پونچھ اضلاع میں 2000 سے 2500 میٹر سے اوپر واقع علاقوں میں درمیانے درجے کی وارننگ جاری کی۔اتھارٹی نے ریاسی، راجوری اور رام بن اضلاع میںبھی2000 سے 2500 میٹر تک ’نیچے درجے کے‘ برفانی تودے گرنے کا خدشہ بھی ظاہر کیا۔جموں و کشمیر ڈیزاسٹر مینجمنٹ اتھارٹی کی جانب سے سبھی12اضلاع کے پُرخطرعلاقوں میں رہنے والے لوگوں کو مشورہ دیا گیا ہے کہ وہ احتیاطی تدابیر اختیار کریں اور برفانی تودے کے شکار علاقوں میں جانے سے گریز کریں۔