سری نگر :۴۱،فروری: جموں وکشمیر کے لیفٹیننٹ گورنر منوج سنہا نے پرنسلا، گجرات میں سوامی دھرم بندھوجی، ویدک مشن ٹرسٹ کے زیر اہتمام ’راشٹر کتھا شیویر‘ سے خطاب کیا۔قومی سطح کا کیمپ نوجوانوں کی مجموعی شخصیت کی نشوونما کےلئے ایک پلیٹ فارم مہیا کرتا ہے۔جے کے این ایس کے مطابق اپنے خیالات کا اظہار کرتے ہوئے لیفٹنٹ گورنرمنوج سنہا نے ملک کے تمام حصوں سے اس ’راشٹر کتھا شیویر‘ میں جمع نوجوان اور دانشوروں سے کہا کہ وہ خود کو قوم کی تعمیر کے لئے وقف کریں۔منوج سنہا نے کہاکہ امرت کال میں ہندوستان کے مستقبل کو تشکیل دینے میں قابلیت، مسابقت اور نوجوان تین بڑے عوامل ہوں گے۔ترقی کی رفتار کا زیادہ تر انحصار نوجوان نسل پر ہے۔ لیفٹیننٹ گورنر نے نوٹ کیا کہ نوجوان اپنی تخلیقی صلاحیتوں اور اختراعات کے ساتھ سماجی تبدیلی کا سب سے طاقتور ذریعہ ہیں۔عملی تجربے کے بغیر تعلیم کا کوئی مقصد نہیں ہے۔انہوںنے حاضرین سے مخاطب ہوکرکہاکہ ہمیں مہاتما گاندھی کی تعلیمات کو اپنانا چاہیے اور تجرباتی سیکھنے کی کوشش کرنی چاہیے۔ منوج سنہا نے کہاکہ ہمیں ایک ایسا ماحول بنانے کی ضرورت ہے جس میں ہمارے نوجوانوں کو نئی دریافتوں، نئی ایجادات کے لیے ترغیب دی جائے۔جموں وکشمیر کے لیفٹنٹ گورنر نے معاشرے میں تبدیلی لانے کے لیے تجربات کے ذریعے علم حاصل کرنے کی اہمیت پر زور دیا۔انہوںنے کہاکہ سیکھنے کا عمل کبھی ختم نہیں ہونا چاہیے۔ زندگی بھر کی تعلیم وڑن کو مشن میں بدل دیتی ہے۔ انہوں نے مزید کہا کہ تخلیق، ایجاد اور اختراع کرنے کی ہمت اور عزم کے ساتھ ہماری نوجوان آبادی ہر شعبے میں بے مثال کامیابی حاصل کر سکتی ہے۔لیفٹیننٹ گورنر نے نوجوانوں سے کہا کہ وہ سماج میں علم کا چراغ روشن کریں اور ہندوستان کو علمی معیشت میں تبدیل کرنے میں اپنا حصہ ڈالیں۔انہوں نے مزید کہا کہ نوجوان نسل کو مہاتما گاندھی، سردار ولبھ بھائی پٹیل جیسی عظیم ہستیوں کی زندگی سے تحریک حاصل کرنی چاہئے اور ہندوستان کو امن اور خوشحالی کی راہ پر آگے لے جانا چاہئے۔نوجوانوں میں غیر دریافت شدہ چیزوں کو تلاش کرنے کا حوصلہ ہونا چاہیے۔ سیکھتے رہیں، اختراع کرتے رہیں اور متجسس رہیں۔ لیفٹیننٹ گورنر نے کہا کہ نمبروں کے لئے نہیں اور زندگی کے کسی بھی مرحلے کو کامیابی اور کمال کے طور پر نہ دیکھیں۔لیفٹیننٹ گورنر نے مشاہدہ کیا کہ مسابقت ایک اور اہم عنصر ہے جس کو پروان چڑھانے کی ضرورت ہے تاکہ نوجوانوں کو بنیادی مسائل کا بہتر حل فراہم کیا جا سکے اور بدعنوانی سے پاک شفاف طرز حکمرانی میں بھی اپنا حصہ ڈالا جا سکے۔لیفٹیننٹ گورنر منوج سنہاکہ آج عزت مآب وزیر اعظم نریندر مودی کی قیادت میں معاشرے کے ہر طبقے کو مساوی مواقع اور وسائل تک مساوی رسائی فراہم کی جا رہی ہے۔ لیفٹیننٹ گورنر نے مزید کہا کہ نوجوانوں کو ہندوستان کے ترقیاتی سفر میں فعال شراکت دار بننے کے لیے تیار رہنا چاہیے۔کیمپ میں شرکت کرنے والے جموں و کشمیر کے نوجوانوں نے جموں کشمیر کے بدلے ہوئے منظر نامے پر بھی بات کی۔سوامی دھرم بندھو، ویدک مشن ٹرسٹ کے بانی؛ لیفٹیننٹ جنرل رندھیر کمار مہتا؛ ایس جے ایس راجپوت، ماہر تعلیم؛ اس موقع پر ویدک مشن ٹرسٹ کے ٹرسٹیز، ماہرین اور طلباءبڑی تعداد میں موجود تھے۔
