پلوامہ:۱۲، فروری:پلوامہ میں پولیس نے ڈی پی ایل پلوامہ میں سوک ایکشن پروگرام کے زیراہتمام پینٹنگ اور کیرم مقابلوں کا انعقاد کیا جس میں ضلع پلوامہ کے مختلف اسکولوں کے طلباءنے حصہ لیا۔ جے کے این ایس کے مطابقپینٹنگ مقابلے میں گورنمنٹ ہائی سکول پاریگم کی عروبہ جان، اے ای ایم ایس منڈونا کی افحانہ گلزار اور گورنمنٹ ہائرسیکنڈ سکول نیوا کی ارینا امین نے پہلی، دوسری اور تیسری پوزیشن حاصل کی۔ اسی طرح کیرم مقابلے میں گورنمنت ہائر سیکنڈ سکول نیوا کی رابعہ نثاراور دانش احمد بٹ گورنمنٹ ہائی سکول وہیبگ نے پہلی اور دوسری پوزیشن حاصل کی۔ ایس ایس پی پلوامہ غلام جیلانی وانی(جے کے پی ایس) نے مقابلے میں حصہ لینے کے لیے طلباءکا شکریہ ادا کیا اور ان کی ذہانت اور محنت کی بھی تعریف کی۔ انہوں نے ضلع کے نوجوان ابھرتے ہوئے فنکاروں پر بھی زور دیا کہ وہ اپنے ذہنوں کو فن کے ذریعے اپنے خیالات اور تخیل کو تلاش کرنے دیں۔ اختتامی تقریب کے دوران ایس ایس پی پلوامہ نے دیگر پولیس افسران کی موجودگی میں جیتنے والوں کو نقد انعامات اور سرٹیفیکیٹ سے نوازا۔ اس کے علاوہ دیگر شرکاءکو بھی ان کے حوصلے افزائی کے لیے مناسب انعامات سے نوازا گیا۔اس طرح سے بڈگام میں سرمائی یوتھ اینڈ اسپورٹس فیسٹیول اختتام پذیر ہوا جس میںکشمیر ایلیٹ کلب نے والی بال ٹورنامنٹ جیت لیا۔ بڈگام سرمائی والی بال ٹورنامنٹ کا فائنل آج ینگ اسپائکرز نصراللہ پورہ اور کشمیر ایلیٹ کلب بڈگام کے درمیان ڈسٹرکٹ پولیس لائنز گرا¶نڈ بڈگام میں کھیلا گیا۔ جس میں کشمیر ایلیٹ نے میچ 1:2سے جیت لیا۔ٹورنامنٹ میں ضلع بھر سے16 ٹیموں نے حصہ لیا تھا۔یہ تقریب بڈگام پولیس کے زیر اہتمام جموں و کشمیر پولیس سوک ایکشن پروگرام کے تحت منعقدہ ہوئی جو سرمائی نوجوانوں اور کھیلوں کے میلے کے اختتام پر تھی۔ اس سے قبل بڈگام پولیس کی جانب سے تائیکوانڈو چمپئن شپ، اوپن بیڈمنٹن ٹورنامنٹ اور اوپن پینٹنگ مقابلے بھی منعقد کیے گئے تھے۔ ان تقریبات نے سینکڑوں کھلاڑیوں اور مقامی لوگوں کو نوجوانوں اور فنکاروں کی رنگا رنگ پرفارمنس سے متوجہ کیا۔ایس ایس پی بڈگام جناب طاہر گیلانی-جے کے پی ایس نے شرکاءمیں ٹرافیاں اور یادگاریں تقسیم کیں۔اس موقع پر ڈی وائی ایس پی ڈی آر شری اویس راشد-ڈی وائی ایس پی پربشنری شری فیصل عارف ریشو- اور بڈگام پولیس کے دیگر سینئر افسران بھی اس موقع پر موجود تھے۔