سری نگر:۲۲،فروری :جموں و کشمیر پولیس کی ریاستی تحقیقاتی ایجنسی (SIA) نے بدھ کے روز منشیات اسمگلنگ برائے دہشت گردی فنڈنگ کے کئی مشتبہ افراد کے4 ٹھکانوں پر چھاپہ مارا اور نیٹ ورک چلانے والے3 افراد بشمول ایک کو گرفتار کیا۔جے کے این ایس کے مطابق ریاستی تحقیقاتی ایجنسی (SIA) نے ایک بیان میں کہاکہ دہشت گرد تنظیموں کے مالیاتی نیٹ ورکس کو نشانہ بناتے ہوئے اس کے ماحولیاتی نظام اور سپورٹ ڈھانچے کو مکمل طور پر تباہ کرنے کےلئے ایس آئی اے کشمیر نے پیر کو اننت ناگ، پلوامہ، بڈگام اور بارہمولہ کے اضلاع میں متعدد مقامات پر تلاشی لی۔بیان کے مطابق منگل کو کشمیر کے مختلف اضلاع میں منشیات اسمگلنگ برائے دہشت گردی کے مشتبہ افراد کے تقریباً 4 ٹھکانوں یعنی عبدالرشید بٹ ساکنہ او پدگام پورہ اونتی پورہ، دانش فاروق ساکنہ نصراللہ پورہ بڈگام، عبدالرشید میر ساکنہ امرگڑھ سوپور اور اویس گل بٹ ساکنہ ہردو اکاد اننت ناگ کے رہائشی احاطوں کی تلاشی لی گئی۔ مقدمہ ایف آئی آر نمبر19/2022تحت سیکشن8/21,29این ڈی پی ایس ایکٹ،یواے (پی)ایکٹ کے سیکشن13,17,18,39,40،آئی پی سی کے سیکشن 120B،121اور121Aکے تحت پولیس اسٹیشنCIK (SIA) کشمیر میں درج ہے۔ٹاڈا،پوٹا سری نگر کے تحت نامزد خصوصی جج کی عدالت سے حاصل کردہ سرچ وارنٹ کی تعمیل میں مشتبہ افراد کے ٹھکانوںکی تلاشی لی گئی ۔ ریاستی تحقیقاتی ایجنسی (SIA) مزیدکہاکہ اس کیس کی تحقیقات میں اب تک ایک نارکو ٹیرر ماڈیول کا پتہ چلا ہے جو کہ سنٹرل جیل سری نگر میں مقیم ہینڈلرز کےساتھ مل کر سرحد پار سے ممنوعہ دہشت گرد تنظیموں کے ذریعے چلایا جا رہا تھا۔بیان کے مطابق اب تک کی جانے والی تحقیقات سے ثابت ہوا ہے کہ سنڈیکیٹ نے پاکستان سے کروڑوں روپے مالیت کی تقریباً 24 کلو منشیات سمگل کرنے میں کامیابی حاصل کی، اسے انسانی کوریئرز کے ذریعے مختلف مقامات پر پہنچایا، اسے مختلف مقامات پر ڈیلروںکو فروخت کیاگیا، فروخت سے حاصل ہونے والی رقم اکٹھی کی گئی، اور اس ناجائز آمدنی کابڑا حصہ دہشت گردی کی سرگرمیوں کی حمایت اور پرورش کےلئے ممنوعہ سرگرمیوں کےلئے کا استعمال کیا گیا۔ ریاستی تحقیقاتی ایجنسی (SIA) نے کہاکہ منشیات سے حاصل ہونے والی آمدنی کو سنڈیکیٹ کے ممبران کی ذاتی مالی افزودگی کےلئے بھی استعمال کیا گیا، اس کے علاوہ وادی میں دہشت گردی کی سرگرمیوں کی حمایت اور مالی اعانت کے لئے منشیات کی بھاری رقم کو استعمال کیا گیا۔ایجنسی نے مزید کہاکہ اب تک ایک خاتون سمیت سنڈیکیٹ کے3 ارکان کو گرفتار کیا جا چکا ہے،اور کیس کی مزید تحقیقات جاری ہے۔