کرناہ:۴۲، فروری: کپواڑہ ضلع میں منشیات فروشوں کے خلاف ایک اور بڑی کامیابی حاصل کرتے ہوئے پولیس نے 2 اسمگلروں کو گرفتار کرکے ان کے پاس سے تقریباًساڑھے4کلوگرام ہیروئین جیسے مادہ کے5پیکٹ برآمد کئے۔جے کے این ایس کوملی تفصیلات کے مطابق 23اور 24 فروری 2023 کی درمیانی رات ، مقامی پولیس کے ذریعہ تیار کردہ مخصوص اطلاع کی بنیاد پر ضلع کپوارہ کے سرحدی علاقے کرناہ میں 2 الگ الگ واقعات میں سے4.588 کلو گرام وزنی ہیروئن جیسے منشیات کے کل 5 پیکٹ برآمدکئے گئے۔پولیس نے بتایاکہ پہلی کارروائی کرناہ کے تاڈ علاقے میں منشیات کی اسمگلنگ کے بارے میں مخصوص معلومات کی بنیاد پر، پولیس اسٹیشن کرناہ میں ایف آئی آر نمبر17/2023زیرسیکشن8/21-29این ڈی پی ایس ایکٹ تھانہ پولیس کرناہ میںدرج کیا گیا تھا۔ مقدمے کی تفتیش کے دوران ایک ملزم فاروق احمد شاہ ولد رقیب حسین شاہ سکنہ پنجاترہ کرناہ کو پوچھ گچھ کےلئے اٹھایا گیا۔ اس کے اعتراف اور انکشاف کی بنیاد پر، پولیس نے آرمی یونٹ06 جے اے کے رائفلز کے ساتھ مل کر ایگزیکٹیو مجسٹریٹ کی موجودگی میں گرفتار ملزم کے گھر کے قریب والی جگہ سے ہیروئن کے3 پیکٹ جیسے نشہ آور مادہ جس کا وزن 2.674 کلوگرام تھا (پیکنگ کے ساتھ) برآمد کیا۔ کیس کی تفتیش جاری ہے اور اس سلسلے میںمزید گرفتاریاں متوقع ہیں۔پولیس کے مطابق اسی طرح کے ایک اور کیس میں مخصوص اطلاع کی بنیاد پر ایک مقدمہ ایف آئی آر نمبر 18/2023زیرسیکشن8/21-29این ڈی پی ایس ایکٹ تھانہ کرناہ میں درج کیا گیا جس کی تفتیش کے دوران ایک ملزم راجہ آفتاب عرف بابو ولد راجہ غلام اکبر ساکنہ ٹیٹوال کو پوچھ گچھ کے لیے حراست میں لے لیا گیا۔ اس کے اعتراف اور انکشاف کی بنیاد پر، پولیس نے1.914 کلو گرام وزنی منشیات جیسے ہیروئن کے 2 پیکٹ (پیکنگ کے ساتھ) فوجی یونٹ 06 جے اے کے رائفلز کے ساتھ ٹیٹوال میں اس کے گھر کے قریب ایگزیکٹیو مجسٹریٹ کی موجودگی میں برآمد کئے۔ملزم کو گرفتار کر لیا گیا ہے اور مزید تفتیش جاری ہے۔ ابتدائی تحقیقات سے یہ بات سامنے آئی ہے کہ دونوں افراد سخت نشہ آور اسمگلر ہیں اور انہوں نے یہ کھیپ ایل او سی کے پار سے حاصل کی تھی تاکہ تیزی سے پیسہ کمایا جا سکے اور جموں و کشمیر میں دہشت گردی کی وجہ کو آگے بڑھایا جا سکے۔ آفتاب کا بھائی ظہور جو ماضی میں غیر قانونی طور پر ایل او سی کو عبور کرنے کے بعدپاکستانی زیر کنٹرول کشمیر میں مقیم ہے ،پر شبہ ہے کہ وہ اپنے بھائی کو منشیات سپلائی کر رہا ہے، جہاں ایک اور بھائی کو پہلے ہی سال 2018سے پولیس سٹیشن نگروٹہ جموں میں منشیات کی سمگلنگ کے ایک مقدمے کا سامنا ہے۔ ۔ فاروق شاہ گزشتہ کافی عرصے سے اس غیر قانونی تجارت میںپاکستانی زیر کنٹرول کشمیر میں مقیم ہینڈلر کے ساتھ بھی قریبی رابطے میں ہے۔