جموں:۴۲، فروری: ڈائریکٹر جنرل آف پولیس، جموں و کشمیر، شری دلباغ سنگھ نے جمعرات کویہاں پولیس ہیڈ کوارٹر میں ’پولیس اسٹیبلشمنٹ بورڈ‘ میٹنگ کی صدارت کی۔جے کے این ایس کے مطابق میٹنگ میں کمانڈنٹ نرل ایچ جی، ایس ڈی آر ایف ڈاکٹر بی سرینواسن، اسپیشل ڈی جیزآر آر سوین، اے کے چودھری، اے ڈی جی پیز ایس جے ایم گیلانی، ڈاکٹر ایس ڈی سنگھ جموال، مکیش سنگھ، ایم کے سنہا، شری دانش رانا، اے آئی جی پرسنل پی ایچ کیو وریندر سنگھ اور پولیس ہیڈ کوارٹر کے پرسنل سیکشن کے افسران کے علاوہ اے ڈی جی پی کشمیر شری وجے کمار نے ویڈیو کانفرنسنگ کے ذریعے میٹنگ شرکت کی۔میٹنگ کے دوران، یو ٹی بھر میں مختلف محاذوں پر اہلکاروں اور ایس پی اوﺅز کے کردار پر تفصیلی تبادلہ خیال کیا گیا اور اسی کے مطابق ان کے آو¿ٹ آف ٹرن پروموشن کے حوالے سے فیصلے لیے گئے۔ جبکہ بعض کیسوں کا متعلقین کی طرف سے دوبارہ جانچ کے لیے جائزہ لینے کا فیصلہ کیا گیا۔میٹنگ کے دوران مختلف رینکوں میں آو¿ٹ آف ٹرن پروموشنوں اور میڈلز کے حوالے سے متعدد معاملات پر تبادلہ خیال کیا گیا۔ آو¿ٹ آف ٹرن پروموشنوںاور تمغوں کے لئے سفارش کردہ زیادہ تر اہلکاروں کی منظوری دی گئی۔ ان تمام اہلکاروں نے جموں وکشمیر کے مختلف اضلاع میں آپریشنل محاذ پر غیر معمولی طور پر کام کیا ہے۔ اس کے علاوہ مختلف کھیلوں کے زمروں میں جے کے پی کی نمائندگی کرنے والے اہلکاروں کے لیے آو¿ٹ آف ٹرن پروموشن پر بھی تبادلہ خیال کیا گیا۔تبادلہ خیال کے دوران، ڈی جی پی دلباغ سنگھ نے افسران کو ہدایت دی کہ وہ ذاتی طور پر تمغوں، آو¿ٹ آف ٹرن پروموشن اور تبادلوں کے حوالہ جات اور سفارشات کو دیکھیں تاکہ مستحق اہلکاروں کو ان کے کردار اور کارکردگی کے مطابق انعام دیا جائے۔ ڈی جی پی نے کہا کہ سفارشات کارکردگی پر مبنی ہونی چاہیں جو سفارشات کے لیے ضروری ہے۔ انہوں نے مزید کہا کہ صرف ان اہلکاروں کو انعام دیا جائے جنہوں نے پیشہ ورانہ کام میں حصہ لیا۔اس مو قع پرشریک افسران نے متعدد تجاویز پیش کیں جن پر تبادلہ خیال کیا گیا اور ڈی جی پی نے ہدایت کی کہ وہ میرٹ پر اور جلد از جلد ان پر عمل کریں۔اے آئی جی (پرسنل) پی ایچ کیو نے اجلاس کی کارروائی چلائی اور ایجنڈوں کا پس منظر پیش کیا۔